Adam músheleri nanǵa aınaldy
ASTANA. 17 maýsym. QazAqparat - Adamnyń dene múshelerinen aınymaıtyn nan ónimderi paıda boldy. Qytaılyq músinshiniń ázirlegen erekshe taǵamdaryna qaraýdyń ózi qorqynyshty. Nan pisirýdi ol 10 jasynan úırengen.
Qytaılyq músinshi Kıttıvat Ýnarom nannan adamnyń shynaıy múshelerine uqsaıtyn músinderdi jasaýmen tanymal boldy. «Onyń jumystary júregi myqty degen adamdardyń ózin shoshyndyrýy múmkin» dep habarlaıdy «Alash aınasy» nur.kz ınternet portalyna silteme jasap. Kıttıvat Ýnarom ár tańyn adamnyń músheleri ispettes ydysta nan pisirýden bastaıdy. Onyń barlyq «týyndylary» asqa jaramdy. Mundaı nandy aspazshynyń otbasylyq naýbaıhanasynan satyp alýǵa bolady. Kóz, erin jáne basqa da usaq músheler retinde músinshi jańǵaq, meıiz jáne keshıýdi paılanady. Músinshi sot murajaılary men adam anatomııasyn zertteýge kóp ýaqyt jumsapty. Sonyń arqasynda jumystary da shynaıy kórinedi. Kıttıvatýǵa Ratshabýrıdegi (Taıland) naýbaıhana tıesili. Naýbaıhana - Kıttıvatýlardyń otbasylyq kásibi. Músinshi 10 jasynan bastap nan pisirýdi úırengen.
