Adam men onyń ómirin eń qymbat qazyna retinde belgilegen Konstıtýtsııa - barsha zańdardyń bastaýy - Q. Mámı
17 jyl buryn, 1995 jyly bul kúni respýblıkalyq referendýmda Qazaqstannyń jańa Konstıtýtsııasy qabyldanyp, 30 tamyz memlekettik mereke - Qazaqstan Respýblıkasynyń Konstıtýtsııasy kúni bolyp jarııalanǵan edi. Osy aıtýly kúnge oraı, QR Parlamenti Senatynyń spıkeri Qaırat Mámı óziniń ınternettegi jeke paraqshasy arqyly barsha qazaqstandyqtardy quttyqtady.
«Sizderdi táýelsiz memleketimizdiń Ata zańy - Konstıtýtsııa kúni merekesimen shyn júrekten quttyqtaımyn. Adam jáne onyń ómiri, quqyqtary men bostandyqtary eń qymbat qazyna retinde belgilengen bizdiń elimizdiń Konstıtýtsııasy memleketimizdegi barlyq zańdardyń bastaýy bolyp tabylady. Otanymyzda erkindik, teńdik jáne tatýlyq murattaryn tý etken, ortaq tarıhı taǵdyr biriktirgen Qazaqstan halqynyń beıbit ómiri men tynyshtyǵy basty qundylyq sanalady.
Sizderge myqty densaýlyq, eńbekte tolassyz tabystar, otbasyńyzǵa qut-bereke men baıandy baqyt tileımin! - dep jazady óz quttyqtaýynda spıker Q. Mámı.