Adam men azamattyń buzylǵan quqyqtaryn qorǵaýdyń tetikteri eleýli túrde keńeıtiledi – Senat Tóraǵasy
Atap aıtqanda, senatorlar «Qazaqstan Respýblıkasynyń keıbir zańnamalyq aktilerine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly», «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha tolyqtyrý engizý týraly», «Qazaqstan Respýblıkasynyń Ákimshilik quqyq buzýshylyq týraly kodeksine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobalaryna biraýyzdan daýys berdi.
«Memleket basshysy adam quqyqtaryn qorǵaýǵa únemi basa mán berip keledi. Búgin qaralǵan 4 zań jobasy Prezıdentimizdiń tapsyrmasyn oryndaý maqsatymen ázirlendi. Olar elimizde adam jáne azamat quqyqtary men bostandyqtaryn qorǵaýdyń jańa quqyqtyq ortasyn qalyptastyrady. Adam quqyqtary jónindegi ýákildiń quqyqtyq mártebesi men qyzmetiniń negizderin derbes zańnamalyq aktide bekitý arqyly ulttyq quqyq qorǵaý ınstıtýtyn jańǵyrta alamyz. Osy qujattar arqyly Adam quqyqtary jónindegi ýákildiń ókilettikteri jáne adam men azamattyń buzylǵan quqyqtaryn qorǵaýdyń tetikteri eleýli túrde keńeıtiledi dep josparlanyp otyr. Qabyldanǵan normalar tolyqtaı halyqaralyq standarttarǵa saı keledi», - dep atap ótti zań jobalary qabyldanǵannan keıin Senat Tóraǵasy Máýlen Áshimbaev.
Aıta keteıik, búgin Senat «Qazaqstan Respýblıkasyndaǵy Adam quqyqtary jónindegi ýákil týraly» zań jobasyna túzetýler engizip, Májiliske qaıtarǵan bolatyn.
