Adam quqyn qorǵaý - terrorızmmen kúrestiń ajyramas bóligi - N. Zarýdna
Búgin Parlament Májilisinde ótip jatqan konferentsııa barysynda sóz sóılegen astanadaǵy EQYU ortalyǵynyń jetekshisi Natalıa Zarýdna osylaı málim etti.
Ortalyq jetekshisiniń aıtýyna qaraǵanda, EQYU Astana deklaratsııasynde Uıymnyń terrorızmge qarsy áreketteriniń ózektiligi erekshe atalyp ótiledi. «EQYU qujattarynda aıryqsha atalyp ótiletin adam quqyn qorǵaý men ony damytýdyń ózi terrorızmniń aldyn alýdaǵy asa tıimdi quraldyń biri bolyp tabylady. Toqtala ketetin jaıt, 2010 jyly Astanada Qazaqstannyń tóraǵalyǵynyń aıasynda terrorızmmen kúres máseleleri jónindegi tıimdi saıasat pen ozyq tájirıbelerdi, nátıjeli strategııalardy talqylaǵan saraptamalyq konferentsııa ótken edi. Onyń barysynda da halyqaralyq sarapshylar adam quqyqtary jónindegi halyqaralyq standarttardy buzatyn terrorızmge qarsy sharalardyń tıimdiligin atap ótken bolatyn», - dedi N.Zarýdna.
EQYU Ortalyǵynyń basshysy bul rette lańkesterdiń áreketterine jaýap retinde memleket adam zańyn qataıtpaıtyn bolsa, onda terrorızmdi óz maqsattaryna jetkizip, memleket jeńilis tabýy ábden múmkin ekendigin alǵa tartty. «Quqyq qorǵaý organdary tónip turǵan qaterge kásibı túrde jaýap berýleri qajet. Alaıda, bundaı jaýap adam quqy men bostandyǵyna negiz bolǵan Konstıtýtsııanyń kepiline zııany tımeýi shart», - dedi ol.
