Adam quqyqtary jónindegi ýákildiń qyzmetine aralasqandar jazaǵa tartylady

NUR-SULTAN. QazAqparat – Adam quqyqtary jónindegi ýákildiń qyzmetine aralasqandarǵa ákimshilik jaza qarastyrylǵan. Bul týraly Májiliste depýtat Irına Ýnjakova málim etti,dep habarlaıdy QazAqparat tilshisi.

Búgin Májiliste «Qazaqstan Respýblıkasyndaǵy Adam quqyqtary jónindegi ýákil týraly» zań jobasy ilespe túzetýlerimen tanystyryldy.

«Qazaqstan Respýblıkasyndaǵy Adam quqyqtary jónindegi ýákildiń qyzmetine aralasyp, kedergi jasaý faktisi boıynsha ákimshilik jaza qarastyrylǵan. Kodekske tıisti túzetýlerdi engizbekpiz», - dedi I. Ýnjakova zań jobasyn tanystyrý kezinde.

Budan buryn habarlanǵandaı, Adam quqyqtary jónindegi ýákildiń mártebesin kóteretin qadamdar iske qosylady.

«Zań jobasynda derbes quqyqtylyqqa ıe bolý sııaqty qosymsha bar. Bul óz kezeginde osy qyzmet úshin mańyzdy. ıAǵnı Ýákil tutqyndalmaıdy, qamaýǵa alynbaıdy, qylmystyq ári ákimshilik jaýapqa tartylmaıdy, sondaı-aq tintý men jeke tekserý júrgizilmeıdi», - dedi depýtat.