Adam quqyqtary jónindegi ýákil soqqyǵa jyǵylǵan balany óz baqylaýyna aldy
ASTANA. QazAqparat - Almaty qalasynda soqqyǵa jyǵylǵan balanyń oqıǵasy qoǵamda úlken rezonans týdyrdy. Áıeldiń bóten balaǵa qatysty tanytqan qatygezdik kórinisi bar beınejazba buqaralyq aqparat quraldarynda 2017 jylǵy 12 maýsymda taraldy.
Atalǵan oqıǵaǵa baılanysty áleýmettik jelilerde ony baǵalaýda árkelki pikirtalas, onyń ishinde balalarǵa qatysty qatygez, ar-namysyn qorlaıtyn is-áreketterine jol bermeýdiń negizgi qaǵıdattaryna qarama-qaıshy paıymdamalary qalyptasty, dep habarlaıdy Qazaqstan Respýblıkasyndaǵy Adam quqyqtary jónindegi ýákildiń baspasóz qyzmeti.
Mán-jaıdy anyqtap jáne qajetti kómek kórsetý úshin Qazaqstandaǵ Adam quqyqtary jónindegi ýákildiń tapsyrmasy boıynsha Adam quqyqtary jónindegi ulttyq ortalyqtyń Azamattardyń ótinishterimen jumys jónindegi basqarmasynyń basshysy Rıshat Rahımov oqıǵa ornyna jolǵa shyqty.
Ombýdsmenniń ókili quqyq qorǵaý organdarynyń qyzmetkerlerimen kezdesip, olar balany uryp-soǵý týraly fakti boıynsha sharalar qabyldanyp jatqanyn, atap aıtqanda, sotqa deıingi tergep-tekserý bastalǵany týraly aqparattandyrdy. Balanyń alǵan dene jaraqatynyń aýyrlyq dárejesin anyqtaý úshin sot-medıtsınalyq saraptama taǵaıyndaldy. Dene jaraqattarynyń bar-joǵyn anyqtaıtyn bastapqy medıtsınalyq kýálandyrý janjal shyqqan kúni jedel járdem kelgen kezde júrgizilgen.
Tergep-tekserý nátıjeleri boıynsha bolǵan oqıǵaǵa baılanysty tıisti quqyqtyq baǵa beriletin bolady.
Ombýdsmenniń ókili eki tarappen jáne de oqıǵanyń káýgerlerimen, sondaı-aq ata-anasynyń kelisimimen zardap shekken balamen áńgime júrgizdi.
Tıisti áńgimelesýler barysynda Adam quqyqtary jónindegi ýákildiń ókili janjaldyń qatysýshylaryna qajetti jan-jaqty quqyqtyq kómek kórsetti. Sondaı-aq, kámeletke tolmaǵan balaǵa qajetti psıhologııalyq qoldaý kórsetý úshin bilikti mamandy tartýǵa járdemdesti.
Balanyń quqyqtaryn tıisti qorǵaýdy qamtamasyz etý, eń bastysy - obektıvti tergeý júrgizý maqsatynda QR Ombýdsmeni jaǵdaıdy baqylaýǵa aldy. Tıisti suratý hat prokýrorlyq yqpal etý sharalaryn qoldaný úshin Bas prokýratýraǵa jiberildi.
