Adam quqyqtary jónindegi ýákil: Májbúrleý arqyly alynǵan dálelder zań aldynda jaramsyz

NUR-SULTAN. QazAqparat – Adam quqyqtary jónindegi ýákil Elvıra Ázimova qańtar tragedııasy boıynsha qamaýǵa alynǵandardyń memleket tarapynan berilgen advokattardyń qyzmet sapasyna kóńili tolmaıtynyn aıtty, dep habarlaıdy QazAqparat tilshisi.

«Ókinishke qaraı, ustaýǵa alynǵan jáne qamalǵan azamattarmen áńgimelesý barysynda memleket kepildik bergen zań kómegin kórsetý aıasynda tartylǵan keıbir advokattardyń qorǵaý sapasy týraly shaǵymdar tústi», - dedi Adam quqyqtary jónindegi ýákil «Habar-24» telearnasynda ótken brıfıngide.

Onyń aıtýynsha, atalmysh jaǵdaıdy sottar men tergeýshiler isterdi qaraý kezinde eskerýi kerek.

«Mundaı kómekke qol jetkizgen azamattardyń kóshiligi óz advokattarynyń aty-jónin, olarmen keri baılanysatyn kontaktilerdi bilmegen. Atap ótsek, zańnamaǵa sáıkes, májbúrleý arqyly alynǵan barlyq dálelder jaramsyz bolyp tabylady. Taǵy da qaıtalap ótkim keledi, shaǵymmen kelgenderdiń qaıta qurban bolýyna jol bermeýimiz kerek», - dedi Elvıra Ázimova.