Adam quqyqtary jónindegi ýákil A. Shákirov múgedektigi bar áıelder uıymdarynyń basshylarymen kezdesti
Júzdesý barysynda Memleket basshysynyń «Qazaqstan áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» baǵdarlamalyq maqalasyn júzege asyrý turǵysynan múgedektigi bar adamdardyń quqyqtaryn qorǵaý men qamtamasyz etýge baılanysty máseleler keńinen talqylandy, dep habarlaıdy Adam quqyqtary jónindegi ýákil apparatynyń baspasóz qyzmeti.
«Múgedektigi bar adamdardyń quqyqtaryn qorǵaý men kótermeleý Qazaqstan Respýblıkasyndaǵy Adam quqyqtary jónindegi ýákil qyzmetiniń mańyzdy baǵyttarynyń biri»,- dep aıtyp ótken A. Shákirov áńgimelesýshilerge mekemeniń osy baǵytta ótkiziletin jumysy týraly keńinen habardar etti. Mysaly, múmkinshiligi shekteýli adamdardyń quqyqtary saqtaý máseleleri Memleket basshysynyń atyna joldanatyn Ýákildiń jyl saıynǵy esebinde belgilenedi. Instıtýtsıonaldyq mekemelerdi monıtorıngteýdiń qamtýy keń, osy salada saraptamalyq jumys ótkizilip jatyr. Aǵymdaǵy jyly elimizdegi múmkinshiligi shekteýli adamdardyń quqyqtaryn saqtaýǵa baılanysty qarsy shyǵýlarǵa nazar aýdaratyn usynystar ortalyq memlekettik organdarǵa jiberilgen.
