Adam quqyqtary jónindegi ýákil 2010 jylǵy esebin jarııa etti
ASTANA. 25 naýryz. QazAqparat /Qanat Mámetqazyuly/ - Búgin Astanada bastalǵan halyqaralyq konferentsııada QR Adam quqyqtary jónindegi ýákil Asqar Shákirov 2010 jylǵy jumystyń esebin jarııa etti.
Onyń habarlaýynsha, ótken jyly adam quqyqtaryn buzý boıynsha halyqtan túsken aryz-shaǵymdardyń sany kóbeıdi. Onyń ishinde aýyzsha aıtylǵan aryzdardyń kólemi 38 paıyzǵa artty. «Taldaý kórsetip otyrǵandaı, azamattardan kelip túsken shaǵymdardyń basym bóligi sot jáne quqyq qorǵaý organdarynyń áreketsizdigine, sondaı-aq turǵyn-úı salasyndaǵy tártip buzýshylyqtarǵa tikeleı baılanysty», - deıdi A.Shákirov.
Aıta keteıik, QR Adam quqyqtary jónindegi ýákilge aryzdanǵan azamattardyń kóbisi - Astana, Almaty jáne Qaraǵandy qalalarynyń turǵyndary.
