Adam quqyqtary jónindegi komıssııa múgedekter máselesin qarady
ASTANA. 21 qarasha. QazAqparat - Búgin Úkimet úıinde QR Prezıdenti janyndaǵy Adam quqyqtary jónindegi komıssııanyń keńeıtilgen májilisinde múgedekter máselesi qaraldy. Ol boıynsha QR Eńbek jáne halyqty áleýmettik qorǵaý mınıstri Tamara Dúısenova esep berdi.
Mınıstrdiń aıtýynsha, búgingi tańda múmkindigi shekteýli azamattardyń emin-erkin júrip-turýyna jan-jaqty jaǵdaı jasaý boıynsha naqty sharalar qolǵa alynyp jatyr. Atap aıtqanda, «Múgedekterdiń quqyqtaryn qorǵaý boıynsha keıbir zań aktilerine ózgerister men tolyqtyrýdar engizý týraly» zań jobasynyń tujyrymdasy ázirlenip, onyń aıasynda 24 zań aktileri ózgeredi. Alaıda «Namys» qoǵamdyq birlestiginiń tóraǵasy Qaırat Imanalıevtiń sózine qaraǵanda, bul jumys azdyq etedi. «Bizdińshe, ózgeriske ushyraıtyn zańdardyń sany 36 bolýy tıis», - deıdi Q.Imanalıev.
T.Dúısenova atap kórsetkendeı, kelesi jyldan bastap jol ınfraqurylymyn múgedekterdiń yńǵaıyna qaraı salý josparlanǵan. Osyǵan oraı, júzdegen jol belgileri men daýys berý qurylǵylary ornatylmaq. «Sondaı-aq ınvataksı, ıaǵnı áleýmettik taksı qyzmetin damytý josparlanyp otyr. Qazirgi kezde barlyq oblystarda 102 ınvataskı jumys isteıdi. Olar jyl saıyn 190 myńnan astam múgedekke qyzmet kórsetedi. Kelesi jyly osy qyzmetti damytýǵa 91 mln. teńge bólinedi», - deıdi T.Dúısenova.
Komıssııanyń búgingi otyrysy boıynsha múgedekterdiń quqyǵyn qorǵaý boıynsha múmkindigi shekteýli azamattar boıynsha zańnamany jetildirý, BUU-nyń múgedekter quqyqtary týraly Konventsııasyn ratıfıkatsııalaý jáne taǵy basqa usynystar jasaldy.
