Adam quqyqtary jónindegi komıssııa mıgranttar máselesi týraly baıandama jobasyn talqylady
Tóraǵa Qýanysh Sultanovtyń jeketkshiligimen ótken jıynda komıssııanyń «Qazaqstandaǵy mıgranttar quqyǵynyń ahýaly týraly» arnaıy baıandamasynyń jobasy talqylandy.
Kóshi-qon saıasaty Qazaqstannyń memlekettik saıasatynyń strategııalyq baǵyttarynyń biri bolyp tabylady. Jalpyǵa ortaq tanylǵan álemdik standarttarǵa sáıkes, Qazaqstanda halyqtyń kóshi-qony máselelerin retteıtin kelisimsharttyq-quqyqtyq baza jasalǵan. Al komıssııanyń arnaıy baıandamasy Qazaqstandaǵy eńbek mıgranttary quqyqtarynyń ahýalyn taldaýǵa arnalady. Bul rette baıandama Adam quqyqtary jónindegi komıssııanyń ótken ýaqyt kezeńindegi quqyq qorǵaý qyzmeti men onyń arnaıy zertteýleri nátıjelerine negizdelgen. Baıandamada Qazaqstannyń memlekettik organdary men úkimettik emes quqyq qorǵaý uıymdarynyń, Kóshi-qon jónindegi halyqaralyq uıymnyń Qazaqstandaǵy ókildiginiń, sondaı-aq basqa da halyqaralyq uıymdardyń málimetterin qamtıdy. Budan bólek, qujatta elimizdegi táýelsiz áleýmettanýshylar qaýymdastyǵy júrgizgen «Qazaqstandaǵy adam quyqtary: qoǵamdyq pikir» atty áleýmettanýshylyq zertteýlerdiń nátıjeleri de keńinen tartylyp otyr.
Jıyn barysynda qatysýshylar arnaıy baıandamada qamtylǵan usynymdardyń iske asyrylýyna nazar aýdardy. Budan bólek, eńbek mıgranttarynyń Qazaqstanǵa zańsyz kóship-qoný faktilerin boldyrmaýǵa, olardyń quqyqtaryn qorǵaý salasyndaǵy zańnama qoldaný praktıkasyn damytýdyń negizgi baǵyttaryn anyqtaýǵa qatysty usynystar aıtyldy.
Sonymen qatar, otyrysta Ádilet mınıstrliginiń bilikti zańgerlik kómek alýǵa qatysty azamattardyń konstıtýtsııalyq quqyǵyn qamtamasyz etý jónindegi qyzmeti de talqylandy.
