Adam quqyqtary salasyndaǵy BUU sarapshylary ar-namysty qorlaıtyn is-áreketterge qarsy jumysty joǵary baǵalady
ASTANA. 28 qańtar. QazAqparat - Astanada Qazaqstan Respýblıkasyndaǵy Adam quqyqtary jónindegi ýákil Asqar Shákirov adam quqyqtaryn qorǵaý salasyndaǵy BUU sarapshysy, «Azaptaýlarǵa qarsy kúres: Qazaqstanda ulttyq aldyn alý tetigin qurý» jobasynyń iske asyrylýyn baǵalaý úshin kelgen Ulybrıtanııanyń Syrtqy ister mınıstrliginiń ókili Emılı Sammerspen kezdesti,
dep habarlaıdy osy vedomstvonyń baspasóz qyzmeti.
Kezdesý barysynda taraptar Azaptaýlarǵa jáne basqa da qatygez, adamgershilikke jatpaıtyn jáne ar-namysty qorlaıtyn is-áreketter men jazalaý túrlerine qarsy BUU Konventsııasyna bizdiń elimiz ratıfıkatsııalaǵan Fakýltatıvtik hattama aıasynda «Halyqaralyq túrme reformasy» (PRI) uıymynyń qazaqstandyq ombýdsmenniń ofısimen birlesip júzege asyrǵan osy jobanyń nátıjelerin oń baǵalady.
Sondaı-aq Azaptaýlarǵa qarsy ulttyq aldyn alý tetigin Qazaqstanda qurý máselesi boıynsha pikirtalas ótti, qazirgi ýaqytta onyń tujyrymdamasyn Qazaqstan Respýblıkasynyń Úkimeti ázirleýde.
