Adam quqyǵyn saqtaý isinde qajetti sharttardyń biri - barlyq qoǵamdyq qurylymdardyń ózara árekettesýi
ANA, 28 qarasha. QazAqparat /Marlan Jıembaı/ - Adam quqyǵyn saqtaý isinde qajetti shartardyń biri -barlyq qoǵamdyq qurylymdardyń ózara árekettesýi bolyp tabylady.
Bul týraly búgin elordada EQYU Sammıti qarsańyndaǵy Sholý konferentsııasynyń qorytyndy otyrysynda QR Adam quqyǵy jónindegi ýákili Asqar Shákirov aıtty.
Onyń atap ótýinshe, memlekettik organdar, úkimettik emes uıymdar jáne buqaralyq aqparat quraldarynyń ókilderi bul máseleni ortaq mindet retinde qarastyrýy qajet.
«Ózara árekettesýdiń túrli formalary bar. Máselen, QR zorlyq-zombylyqtyń aldyn alý máseleleri jónindegi jumys tobynda memlekettik organdarmen qatar quqyq qorǵaýshylar, buqaralyq aqparat quraldarynyń ókilderi ózara árekettesedi. Olar bul salada naqty monıtorıng júrgizip, naqty usynystar engizedi», - dedi A.Shákirov.
