Adam quqyǵy jónindegi ombýdsmen mıtıngten keıin ustalǵandar otyrǵan ızolıatorǵa bardy
QR Adam quqyqtary jónindegi ýákil E.Ázimova jáne azamattyq qoǵam ókilderi: Ulttyq aldyn alý tetigi Úılestirý keńesiniń jáne ulttyq qoǵamdyq senim keńesiniń múshesi J.Turmaǵambetova, QR Prezıdenti janyndaǵy ulttyq qoǵamdyq senim keńesiniń múshesi T.Qaısar LA - 155/18 tergeý ızolıatorynda boldy (ol Almaty qalasy komendantynyń buıryǵyna sáıkes ýaqytsha ustaý ızolıatoryna berildi) jáne Almaty polıtsııa departamentiniń ákimshilik qamaýǵa alynǵan adamdarǵa arnalǵan arnaıy qabyldaǵyshynda boldy.
Qatygez qarym-qatynas jáne medıtsınalyq kómek kórsetpeý, sondaı-aq advokattardyń 2022 jylǵy 6-14 qańtar aralyǵynda ustalǵan jáne atalǵan mekemelerge jetkizilgen azamattarǵa qoljetimdiliginen bas tartý týraly habarlamalarǵa táýelsiz tekserý júrgizildi.
Tergeý ızolıatorynda bolǵan kezde 2022 jylǵy 9-10 qańtar aralyǵynda Almatyǵa kelgen 70 azamat bolǵan. Olarǵa taǵylǵan aıyptarǵa jáne qylmystyq tergeý júrgizýge baılanysty 2 aıǵa deıin qamaýǵa alýǵa sanktsııa berildi. 5 azamatqa QR Qylmystyq kodeksiniń 272 – baby (QR QK) boıynsha, 1 azamatqa – QR QK 287 – baby boıynsha, 1 azamatqa-QK 291-baby boıynsha, qalǵan barlyq azamattarǵa (63 adamǵa) QR QK 188-baby (Urlyq) boıynsha aıyp taǵyldy.
Tutqyndalǵandardyń úsheýi - shetel azamattary (RF, TR, TR), qalǵandary – QR azamattary. Tergeý nátıjelerin eskere otyryp, ustalǵandardy qamaýdan bosatýdyń dınamıkasy baıqalady. Osyǵan uqsas jaǵdaı Almaty qalasynyń ÝUI toby barǵan ekinshi mekemede de oryn alǵan. 2022 jylǵy 8-9 qańtar aralyǵynda prokýratýra qyzmetkerleri tekserý júrgizý kezeńinde bolǵan 187 azamat jetkizildi.
13 qańtardaǵy jaǵdaı boıynsha júrgizilgen tergeýlerdiń nátıjeleri boıynsha jáne prokýrordyń qaýlysy negizinde: tergeý ızolıatorynan - 53 azamat bosatyldy, olardyń ishinde atys jaraqatyn alǵan 4 azamat boldy (olarǵa dereý medıtsınalyq kómek kórsetildi, bosatylǵannan keıin olar odan ári statsıonarlyq emdeýden bas tartyp, úı jaǵdaıynda emdelýge tilek bildirdi). 2022 jylǵy 10-11 qańtarda Almaty qalasynyń ýaqytsha ustaý ızolıatorynan 37 azamat bosatyldy.
Ustalǵandar boıynsha odan arǵy derekter Almaty qalasy prokýratýrasynyń qyzmetkerleri júrgizetin protsestik áreketterdiń aıaqtalý nátıjeleri eskerile otyryp naqtylanatyn bolady.
Aralaý qorytyndysy boıynsha, aǵymdaǵy jyly 10 qańtarynda barlyq azamattar medıtsınalyq bólim mamandarynyń medıtsınalyq tekserýinen ótkendigi anyqtaldy.
11 qańtarda tergeý ızolıatorynda medıtsınalyq tekserýdi №7 Qalalyq klınıkalyq aýrýhananyń azamattyq dárigerleri júrgizdi. Taǵaıyndalǵan emdeý mekemelerdiń medıtsına qyzmetkerleriniń baqylaýymen júzege asyrylady.
Sondaı-aq, atalǵan mekemelerge jetkiziletin azamattardy turaqty PTR-testileý júrgiziledi. Medıtsına qyzmetkerleriniń aqparaty boıynsha, barlyq qajetti dárilik preparattar men medıtsınalyq jabdyqtar jetkilikti mólsherde bar.
Mekemelerdiń ózinde advokattarǵa qol jetkizýge tótenshe jaǵdaı talaptaryn eskere otyryp ruqsat etiledi. Kezdesý barysynda ustalǵan eki adam advokattardyń berilmegeni týraly habarlady. Bul faktiler prokýrorǵa tekserý úshin habarlandy.
Top tergeý ızolıatoryna barǵan kezde tek eki advokat klıentpen kezdesýler ótkizdi. Almaty qalasy Advokattar alqasynyń aqparaty boıynsha, qazirgi ýaqytta 12 advokat osy kúnderi Almaty qalasynda ustalǵan azamattardyń múddelerin bildiredi.
Advokattarmen jáne týystarymen onlaın-kezdesýler júıesi shtattyq rejımde jumys isteıtini, sondaı-aq sot otyrystary ótkiziletini anyqtaldy.
Óziniń qorǵaýyndaǵy adamdarǵa qoljetimdilikti shekteý faktileri oryn alǵan jaǵdaıda advokattar Almaty qalasynyń prokýratýrasyna habarlaýy tıis. Sondaı-aq jaqyn adamdardan berýge ruqsat etiledi.
Tergeý ızolıatorynda tutqyndalǵan azamattarmen áńgimelesý barysynda eki adamdy qamaýǵa alý týraly aqparat jaqyn adamdarǵa jetkizilmegeni anyqtaldy.
Bir sheteldikti ustaýǵa qatysty aqparat azamattyq memlekettiń konsýldyǵyna (TR) jetkizilgen joq. Bul faktiler buzýshylyqty joıý úshin dereý arnaıy prokýrorǵa habarlandy. Almaty qalasynyń ÝUI-da eki azamat kezdesý barysynda óziniń ustalǵany týraly týystaryna habarlaýdan úzildi-kesildi bas tartty.
Sapar qorytyndysy boıynsha ýákilder men qoǵam belsendileri Almaty qalasynyń prokýratýrasyna bas bostandyǵynan aıyrý túrindegi qylmystyq jazalaý sharalaryna bastamashylyq etýdi azaıtý jáne kúdiktilerdiń jeke basyn jáne keltirilgen zalaldy eskere otyryp, balama sharalardy qoldaný múmkindigin qaraý týraly usynys aıtty.
Sondaı-aq, adam quqyqtarynyń saqtalýyn jáne halyq úshin qabyldanatyn sharalardyń zańdylyǵyn saqtaý týraly durys jáne obektıvti aqparatty qamtamasyz etý maqsatynda jappaı tártipsizdikter nátıjesinde azamattardyń qamaýynda bolý kezeńine qoǵamdyq monıtorıngtiń turaqty qoljetimdiligin qamtamasyz etý týraly usynym.
Almaty qalasy boıynsha anyqtamalar men habarlamalar úshin baılanys nómirleri:
