Adam quqy jónindegi komıssııanyń kezekti keńeıtilgen otyrysy ótti
ASTANA. Jeltoqsannyń 23-i. QazAqparat /Qanat Mámetqazyuly/ - Búgin QR Prezıdenti janyndaǵy Adam quqy jónindegi komıssııanyń kezekti keńeıtilgen otyrysy bolyp ótti.
Jıynda bilim jáne ǵylym mınıstrligi Balalar quqyn qorǵaý komıtetiniń qyzmeti týraly másele qaraldy, dep habarlaıdy QazAqparat.
«Qazirgi tańdaǵy derekterge qaraǵanda, Qazaqstanda shyrqy buzylǵan otbasylardyń sany 12 myńnan astamdy qurap otyr. Tek 2008 jyldyń ózinde ǵana elimiz boıynsha 854 azamat ata-ana quqyǵynan aıyryldy. Búgingi kúni jetim balalar úıi uıymdarynan shyqqan jasóspirimderdi turǵyn úımen qamtamasyz etý máselesi de ózekti sharalardyń biri retinde qalyp otyr. Budan bólek balalarǵa qatysty zorlyq-zombylyq, olardyń qadaǵalaýsyz qalýy men qańǵybas balalardyń kóbeıý jaıy da alańdatarlyq», dedi jıyndy ashyp sóz sóılegen QR Prezıdenti janyndaǵy Adam quqy jónindegi komıssııa tóraǵasy Saǵynbek Tursynov.
Onyń aıtýynsha, aǵymdaǵy jyly 6 myńǵa tarta qaraýsyz, qadaǵalaýsyz qalǵan balalar tirkelgen. Jıyn barysynda sondaı-aq, balalardy zańsyz eńbekke jegýdiń aldyn alý sharalary talqylandy. Bul rette sharýa qojalyqtary men fermerlik uıymdarda balany zańsyz eńbekke tartý faktileri jıi tirkeletindigi aıtyldy.
