Adam qorqytyp aqsha taýyp júrgender qamaýǵa alyndy - Qyzylorda
QYZYLORDA. QazAqparat - Aǵymdaǵy jyly Shıeli aýdanynyń turǵyny 1977 jyly týylǵan azamatqa qyzylordalyq belgisiz azamattar ózin kúsh qoldaný arqyly qorqytyp, jábirlenýshiden 5 mıllıon teńge talap etip júrgenderi jóninde polıtsııaǵa aryzdanǵan.
Jaqynda osy azamattarǵa qatysty sot úkimi shyqty, dep habarlady QazAqparat tilshisi oblystyq ІІD silteme jasap.
Ol óziniń aryzynda aǵymdaǵy jyldyń naýryz aıynyń 7-shi juldyzynda jábirlenýshiniń jumysyna belgisiz 2 azamattar kelip «Bizdiń aǵamyzǵa aqsha bereshek ekensiń, sol bes mıllıon teńgeni bizge beresiń, aıtqan somany tez arada taýyp bermeseń bala-shaǵańnan aıyrylyp qalýyń múmkin» dep qorqytyp ketkendigi málimdelgen.
Sonymen qatar, atalǵan azamattar 19 naýryzda jábirlenýshige qońyraý shalyp, kezdesip tez arada aqshany bermeseń jaǵdaıyń qıyn bolady dep qorqytqan, sol arada álgi qaryz dep aqsha talap etip jibergen jábirlenýshiniń burynǵy tanysy qońyraý shalyp, «Men saǵan balalar jiberemin dep aıttym, tez arada aqshany taýyp beresiń» dep telefondy sóndirip qoıǵan.
Atalǵan qylmystyq is boıynsha 27 naýryz kúni jedel izdestirý is-sharalaryn júrgizý barysynda Shıeli kentiniń boıynda saǵat 12:50 shamasynda «SÝBARÝ OÝTBAK» markaly avtokóligin toqtatyp, avtokólik ishinen Qyzylorda qalasynyń 3 azamaty kólikten shyǵarylyp, tekserý júrgizý barysynda avtokólik ishinen bir pyshaq, jáne artqy oryndyqtyń ústinde turǵan qara tústi «Barsetka» ishinen aldyn ala arnaıy daıyndalǵan 100 dana 10 myń teńgelik kýpıýra, barlyq somasy bir mıllıon teńge aqsha aıǵaq zat retinde alynyp, kúdiktiler Shıeli AІІB-ne jetkizildi.
Qazirgi tańda, atalǵan qylmystyq is boıynsha Qyzylorda qalasynyń turǵyndarynyń qylmystary dáleldendy. Qyzylorda oblystyq prokýratýrasynyń qoldaýymen Qyzylorda qalasynyń №2 sotymen sanktsııa berildi. Qylmystyq is sotqa joldanyp, qaraqshylarǵa 10 jylǵa deıin bas bostandyǵynan aıyrý jazasy taǵaıyndaldy.
