Adam kapıtalynyń damýy - eldiń básekege qabilettiligin qamtamasyz etýdiń basty faktory

Bul pikirdi búgin Májilis Tóraǵasynyń orynbasary, Qoǵamdyq Palatanyń tóraǵasy Vladımır Bobrov aıtty. OlParlamentte Májilis pen Qoǵamdyq Palatanyń uıymdastyrýymen ótken «Adamı kapıtaldyń básekege qabilettiligi jáne ony zańnamalyq turǵydan qamtamasyz etý» taqyrybyndaǵy ǵylymı-praktıkalyq konferentsııada sóz sóıledi.

Elbasy N.Nazarbaev bıylǵy halyqqa arnaǵan Joldaýynda eldiń 2020 jylǵa deıingi strategııalyq josparynda birqatar mańyzdy isterdi atqarý kerektigin málim etti. Sonyń ishinde Memleket basshysy adam kapıtalynyń básekege qabi­lettiligin arttyrý úshin bolashaqqa bel­sendi ınvestıtsııalaý jasaýdy mindettedi.

Konferentsııada QR Bilim jáne ǵylym mınıstriniń orynbasary Serik Yrsalıev álemde búgingi kúni básekege qabilettilik adamı resýrstardyń sapasyna, ónimdiligine jáne ıkemdiligine baılanysty ekenin jetkizdi. Batystyń aldyńǵy qatarly sarapshylary «damyǵan elder ındýstrııalyq kezeńge aıaq basqan saıyn olardyń alǵa órleýinde adamı kapıtal mańyzdy rol atqaratynyn» atap kórsetedi.

Qoǵamdyq Palatanyń múshesi, qarjy-ekonomıkalyq reforma jáne aımaqtyq damý sektsııasynyń jetekshisi, ekonomıka ǵylymdarynyń doktory Orazaly Sábden baıandama jasady.

Májilistiń Áleýmettik-mádenı damý komıtetiniń tóraıymy Dınar Nóketaeva búgingi kúni memlekettiń ekonomıkalyq jetistigi eń aldymen adamı faktormen, azamattardyń ıntellektýaldy áleýetimen anyqtalatyny álemde moıyndalǵanyn aıtty. «Joǵary damyǵan ekonomıkasyz alys ta jaqyn, jarqyn bolashaq múmkin emes. Ǵylymı zertteý men tereń bilimsiz ekonomıkanyń damýy múmkin emes»,- dedi ol.

Sondaı-aq Qoǵamdyq Palata Tóraǵasynyń orynbasary, Qazaq gýmanıtarlyq zań ýnıversıtetiniń rektory Maqsut Nárikbaev, «Nazarbaev Ýnıversıteti» kommertsııalyq emes aktsıonerlik qoǵamy atqarýshy keńesiniń tóraǵasy Aslan Sárinjipov kún tártibindegi taqyryp aıasynda baıandama jasap, óz oılaryn ortaǵa saldy.

Sonymen qatar Qoǵamdyq Palatanyń múshesi, Qazaqstan Respýblıkasy Kásipodaqtary Federatsııasynyń tóraǵasy Sııazbek Muqashev, L.Gýmılev atyndaǵy Eýrazııa Ulttyq ýnıversıteti janyndaǵy Іrgeli zertteýler ınstıtýtynyń dırektory Asqar Arynǵazın, «Parasat» Ulttyq ǵylymı-tehnologııalyq holdıngi» AQ basqarmasynyń tóraǵasy Nuraly Bekturǵanov sóz sóıledi.

Konferentsııaǵa Parlament depýtattary, Májilis janyndaǵy Qoǵamdyq Palatanyń músheleri, saıası partııalar men úkimettik emes uıymdardyń jetekshileri, sondaı-aq bilim jáne ǵylym, eńbek jáne halyqty áleýmettik qorǵaý, densaýlyq saqtaý mınıstrlikteriniń basshylary, joǵary oqý oryndarynyń rektorlary, ǵalymdar men birqatar memlekettik organdardyń ókilderi qatysyp, óz pikirlerimen bólisti.

Konferentsııanyń sońynda qorytyndy sóz sóılegen Májilis Tóraǵasynyń orynbasary, Qoǵamdyq Palatanyń tóraǵasy Vladımır Bobrov ortaq pikirler negizinde qorytyndy qujat daıyndalatynyn jetkizdi.