Adam kapıtalyn damytý ınstıtýtynyń ashylýy - el tarıhynyń jańa beti - akademık Nadır Nadırov
ALMATY. 12 aqpan. QazAqparat - Qazaqstannyń damý tarıhynyń jańa beti ashyldy. Ony QR UǴA akademıgi Nadır Nadırov búgin Almatyda ótip jatqan «Medıatehaýyl» jáne Adam kapıtalyn damytý baǵdarlamasy - jol kartasy» konferentsııasynda aıtty.
QR Ulttyq kitaphanasynda ótip jatqan bul sharany Halyqaralyq adam ınstıtýty uıymdastyryp otyr. Ol saıası partııalar, qoǵamdyq uıymdar men otandyq jáne sheteldik ǵalymdar birlesip jasaǵan «Medıatehaýyl» jáne Adam kapıtalyn damytý baǵdarlamasy - jol kartasy baǵdarlamasynyń tusaýkeserine arnaldy.
«Eldiń ornyqty damýyn qamtamasyz etetin Adam kapıtalyn damytý ınstıtýty endi bizdiń elimizde de kesh bolsa da ashylyp otyr. Menińshe, onyń keleshegi zor. Baǵdarlamanyń tusaýkeser kezinde ony kim qarjylandyrady degen suraq týyndap, oǵan memlekettiń aralasýy qajettigi aıtyldy. Jalpy ınstıtýt táýelsizdiktiń alǵashqy jyldary ashylýy kerek edi. Álemde damyǵan elderdiń shıkizattyń qory bolyp qalmaı, ozyq elderdiń qatarynda bolý úshin memleket tabıǵat baılyqtaryna emes, adamnyń kapıtalyna arqa súıeýi kerek», - deıdi akademık N. Nadırov. Nadır Kárimulynyń aıtýynsha, adam kapıtalyna arqa súıep, ekonomıkasy qaryshtap damyp kele jatqan Izraıl, Japonııa sııaqty elderdiń tájiriıbesi úlgi bola alady. Sondyqtan búgingi oqıǵa el tarıhynyń jańa bir jarqyn beti deýge bolady.
