Adam qaǵyp óltirgen Maqsat Úsenovke qatysty jaza qatańdatyldy
ASTANA. QazAqparat - Almatyda jol-kólik oqıǵasyn jasap, bir adamnyń ólimine sebepker bolǵan Maqsat Úsenovtiń júrgizýshi kýáligi taǵy bir jylǵa alynyp, ústinen 28 myń teńge aıyppul salyndy. Búgin Almatyda sot Maqsat Úsenov jol erejesin buzdy, sonyń kesirinen adamǵa orta deńgeıli jaraqat saldy degen aıyppen ákimshilik is qaraldy.
«Sýdıa Nurjan Pakerdınov sot úkimin jarııalady. Onda Maqsat Úsenovtiń júrgizýshi kýáligin aıyrý jazasy taǵy bir jylǵa sozyldy, sonymen qatar 15 AEK kóleminde aıyppul salyndy. Osylaısha, júrgizýshi 2018 jylǵa deıin kólik aıdaý quqyǵynan aıyryldy», - deıdi Almaty qalalyq sotynyń baspasóz-hatshysy Qýandyq Eshimet.
Q.Eshimettiń aıtýynsha, zardap shekken tarap sot sheshimine qarsy emestigin jáne tolyq keliskendigin jetkizgen.
Bunyń aldynda sot sheshimimen M.Úsenov 45 táýlikke qamalǵan bolatyn. Esterińizde bolsa, 2013 jyly 1 jeltoqsanda ol óziniń BMW-H6 markaly kóligimen jol jıeginde turǵan 6 júrginshini qaǵyp ketti. Olardyń bireýi oqıǵa ornynda kóz jumdy. Jol-kólik oqıǵasy bolǵan jerde júrgizýshi izin sýytty, alaıda kóp uzamaı ustalǵan bolatyn.
