Adam esimi taǵdyryna qanshalyqty áser etedi
ASTANA. QazAqparat - Jańa týǵan balaǵa at qoıý - ejelden kele jatqan úrdis. Oǵan jaqsy esim berip, bolashaqta tuǵyrly bıikterden kórý árbir ata-ananyń armany desek qatelespeımiz. Búgingi tańda amerıkalyq ǵalymdar esimderdiń adam ómirinde qanshalyqty mańyzy bar ekenin dáleldegen, dep jazady massaget.kz.
Kóptegen adamdardy óz tájirıbesinde paıdalanǵan ǵalymdar esimder týraly mynadaı toqtamǵa kelgen. Eger balanyń aty qarapaıym bolsa, onyń óz ortasynda bedeli men ózgelerdiń oǵan qyzyǵýshylyǵy arta túsedi. Mundaı esimderdi qysqartyp aıtýǵa da yńǵaıly kórinedi.
Al, dańqty tulǵalardyń esimi berilgen búldirshinder óskende ózi attas tulǵalardyń kásibine qaraı beıimdelýge ázir turady eken.
Sonymen qosa sırek kezdesetin adam attary kóbine buzaqylar men erekshe daryn ıelerine berilýi múmkin. Sebebi álemdegi kóshbasshy jandardyń esimderi bir-birine múlde uqsamaıdy. Eger tarıhqa kóz júgirter bolsaq, Shyńǵyshan, Napoleon, Abylaı, Kenesary sekildi kóp estilmegen erekshe esimder óz ortasynan sýyrylyp shyǵyp, zor jetistikke jetkenine kýá bolasyz.
