Adam densaýlyǵynyń 15-30 paıyzy genetıkalyq faktorlarǵa baılanysty - Dúnıejúzi densaýlyq saqtaý uıymy
ASTANA. 5 qyrkúıek. QazAqparat - Búginde adam densaýlyǵynyń 40 paıyzy onyń ózine tikeleı baılanysty. Densaýlyq saqtaý festıvaline oraı ótken búgingi baspasóz máslıhatynda Astana qalasynyń Densaýlyq saqtaý basqarmasy bastyǵynyń orynbasary Sábıt Ábdiraıymov osylaı aıtty.
«Bul - Dúnıejúzi densaýlyq saqtaý uıymynyń málimeti. Adam densaýlyǵynyń 40 paıyzy onyń ózine tikeleı baılanysty bolsa, 15-30 paıyzy genetıkalyq fatorlardyń áseri bolyp sanalady. Densaýlyqtyń 15 paıyzy qorshaǵan ortaǵa tıesili. Al dárigerlerdiń kómegi tek 10 paıyzdy ǵana qurap otyr», - deıdi S.Ábdiraıymov. Maman atap kórsetkendeı, halyqtyń densaýlyǵy - qýatty ekonomıkanyń negizi. Osy qaǵıdatty búgingi urpaqqa barynsha jetkize bilý kerek.
