Adam densaýlyǵyna qaýip tóndiretin janýarlar aýrýlarynyń tizbesi bekitildi

***

Qazaqstan Respýblıkasynyń Aýyl sharýashylyǵy mınıstrliginiń buıryǵy №18-03/127

2012 jylǵy 28 naýryz  Astana qalasy

Janýarlardyń jáne adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty, veterınarııalyq preparattardy, jemshóp pen jemshóptik qospalardy alyp qoımaı-aq, mindetti túrde zalalsyzdandyrý (zararsyzdandyrý) jáne óńdeý júrgiziletin janýarlar aýrýlarynyń tizbesin bekitý týraly

«Veterınarııa týraly» Qazaqstan Respýblıkasynyń 2002 jylǵy 10 shildedegi Zańynyń 30 baby 3-tarmaǵyna sáıkes, buıyramyn:

1. Janýarlardyń jáne adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty, veterınarııalyq preparattardy, jemshóp pen jemshóptik qospalardy alyp qoımaı-aq, mindetti túrde zalalsyzdandyrý (zararsyzdandyrý) jáne óńdeý júrgiziletin janýarlar aýrýlarynyń tizbesi bekitilsin.

2. Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne resmı jarııalanýyn qamtamasyz etsin.

3. Osy buıryq alǵashqy ret resmı jarııalanǵan kúninen bastap qoldanysqa engiziledi.

Mınıstr A. Mamytbekov

 Qazaqstan Respýblıkasy Aýyl sharýashylyǵy Mınıstriniń 2012 jylǵy 28 naýryzdaǵy №18-03/127 buıryǵyna qosymsha

Janýarlardyń jáne adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty, veterınarııalyq preparattardy, jemshóp pen jemshóptik qospalardy alyp qoımaı-aq, mindetti túrde zalalsyzdandyrý (zararsyzdandyrý) jáne óńdeý júrgiziletin janýarlar aýrýlarynyń tizbesi

1. Janýarlardyń jáne adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty, veterınarııalyq preparattardy, jemshóp pen jemshóptik qospalardy alyp qoımaı-aq ushalary zalalsyzdandyrylatyn (zararsyzdandyrylatyn) aýrýlar:

1) janýarlardyń birneshe túrine ortaq aýrýlar - tsıstıtserkoz (aýmaǵy 40 sharshy santımetr et kesindisinde 3 artyq emes tsıstıtserkozben zaqymdanǵan), brýtsellez (usaq mal brýtsellezyn qospaǵanda), týberkýlez, Aýeskı aýrýy, vezıkýlıarli stomatıt, leıkoz, leptospıroz, lısterıoz, pasterellez, paratýberkýlez, kampılobakterıoz, fýzarıotoksıkoz, ký lıhoradkasy;

2) iri qara maldyń aýrýlary - sıyrdyń alaókpesi, sıyrdyń zildi qyzbasy, sıyrdyń vırýstyq dıareıasy, sıyrdyń juqpaly rınotraheıti, paragrıpp;

3) qoı jáne eshki aýrýlary - qoı men eshkiniń juqpaly agalaktııasy, eshkiniń juǵymtal plevropnevmonııasy, qoıdyń hlamıdıozdy ish tastaýy, juǵymtal ektıma, qoıdyń juqpaly mastıti, qoıdyń juqpaly epıdıdımıti;

4) jylqy aýrýlary - delbe, rınopnevmonııa;

5) shoshqa aýrýlary - shoshqa tumaýy, shoshqa obasy, tilme, shoshqanyń vırýstyq gastroenterıti, enzootııalyq entsefalomıelıt (Teshen aýrýy), shoshqanyń vezıkýlıarly aýrýy, shoshqanyń enzootııalyq pnevmonııasy, shoshqanyń gemofılezdi polıserozıti;

6) qus aýrýlary - juqpaly larıngotraheıt, qus sheshegi, salmonellez, qus mıkoplazmozy.

2. Janýarlardyń jáne adamnyń densaýlyǵyna qaýip tóndiretin janýarlardy, janýarlardan alynatyn ónimder men shıkizatty, veterınarııalyq preparattardy, jemshóp pen jemshóptik qospalardy alyp qoımaı-aqushalary óńdeýge jatatyn mal aýrýlary:

1) janýarlardyń birneshe túrine ortaq aýrýlar - tsıstıtserkoz (fınnoz);

2) iri qara maldyń aýrýlary - beznaıtıoz;

3) shoshqa aýrýlary - trıhınellez;

4) qus aýrýlary - Nıýkasl aýrýy, qustyń streptokokkozy;

5) terisi baǵaly ańdar men úı qoıandarynyń aýrýlary - qoıannyń streptokoktyq septıtsemııasy, qoıannyń stafılakokkozy, spırohetoz;

6) bal arasynyń aýrýlary - aspergıllez.

Buıryq Qazaqstan Respýblıkasynyń Ádilet mınıstrliginde 2012 jylǵy 23 sáýirde Normatıvtik quqyqtyq kesimderdi memlekettik tirkeýdiń tizilimine №7590 bolyp engizildi.