Adam densaýlyǵy úshin eń qaýipti aıaq kıim túri anyqtaldy
ASTANA. QazAqparat - Rezeńke shárkeı kııýge jaıly bolǵanymen, ony jaǵajaıda emes, kóshede kııý aıaqqa zııandy, dep eskertedi dárigerler.
Mundaı aıaq kıimdi kıgende jilinshik bulshyq etteri sozylyp, sińir tartylady. Osynyń saldarynan adamnyń tize býyndary, sany, arqasy aýyra bastaıdy.
Shárkeıdiń tabany jaıpaq, sondyqtan aıaq jerge kóp súıkenedi, dep habarlady Meddaily. Bul súıek pen býyndarǵa qaýipti. Sonymen birge arty ashyq bolǵandyqtan, ony aıaqta ustaý úshin kúsh túsirýge týra keledi.
Shárkeı aıaq bashpaılarynda túıin, taban aýrýlary bar adamdardyń jaǵdaıyn qıyndatady. Infektsııa túsip, jara paıda bolýy yqtımal. Atalmysh aıaq kıimderdi kııýdi unatatyn adamdardyń tabany tilinedi, rezeńke tabanda túrli aýrýlar týdyratyn zeń sańyraýqulaqtar men bakterııalar jyldam kóbeıedi. Demek, rezeńke aıaq kıimderdi kııýden bas tartqan durys.
Basqa aıaq kıimderge kelsek, baletka da osyndaı qaýipter týdyrady. Al ınfektsııa túsýin boldyrmaý úshin krossovkıdi shulyqpen kıgen jón.
