Adam deniniń saýlyǵy 50 paıyzǵa deıin onyń ómir saltyna baılanysty - S. Qaıyrbekova
ASTANA. 18 aqpan. QazAqparat - Adam deniniń saýlyǵy 50 paıyzǵa deıin onyń ustanǵan ómir saltyna bılanysty. Bul týraly búgin Parlament Májilisindegi Úkimet saǵatynda Densaýlyq saqtaý mınıstri Salıdat Qaıyrbekova málim etti.
Mınıstrdiń aıtýynsha, ulttyq densaýlyq salasyndaǵy basym mindetterdiń sheshimin tabýy óz saýlyǵyn qorǵaýǵa jurtshylyqty belsendi tartýǵa baılanysty bolyp tabylady.
«Elbasy Joldaýynda «eger densaýlyqty qorǵaý ár otbasynyń basty mindetine aınalsa, memleket qabyldaǵan sharalardyń tıimdiligi myń ese artatynyn» atap ótken edi. Al Dúnıejúzilik densaýlyq saqtaý uıymynyń málimetterine qaraǵanda, adam deniniń saýlyǵy 50 paıyz ómir saltyna baılanysty bolady. Tek 10 paıyzy ǵana sol eldegi medıtsınalyq kómektiń damý deńgeıine baılanysty bolyp otyr», - dedi mınıstr Salıdat Qaıyrbekova.
