Adam Být: Golovkınniń deńgeıi Shtýrm men Martınesten eki ese joǵary
ASTANA. QazAqparat - Orta salmaqtaǵy WBO chempıony Endı Lıdiń bapkeri Adam Být: «Martın jekpe-jekti qalaı ótkizetini qyzyq bolady, ol - qorǵanysy myǵym, iri boksshy. Ol - Golovkınge qarsy shyqqan boksshylardyń eń úzdigi ázirge. Sondyqtan, Martın Golovkınge úlken tájirıbe jınaqtaýǵa kómektesedi. Golovkınge qarsy eshkim bás tige almaıdy, sebebi ol qazir orta salmaqta nómiri birinshi boksshy. Jáne oǵan Mıýrreıge qarsy osyny taǵy dáleldeý kerek», - dedi.
«Golovkınde mundaı joıqyn kúsh ata-babasynan daryǵan», - dedi ol.
«Golovkınniń deńgeıi Shtýrm men Martınesten eki ese joǵary. Mıýrreı Shtýrm men Martınesti jeńe alatynyn dáleldedi. Menińshe, sol jekpe-jekterden soń onyń ózine degen senimi artty. Sondyqtan, ol boksshy retinde qazir kúshtirek. Solaı bolǵany da durys, sebebi Golovkın ol ekeýinen eki ese myqty. Men jekpe-jekke boljam aıtpaımyn. Maǵan Mıýrreı unaıdy, biraq ony asa aýyr aıqas kútip tur. Mıýrreı Golovkınge bunyń aldynda eshkim qoıa almaǵan suraq qoıa alady dep senemin», - dedi ol.
