Adam brýtsellezdi qandaı jaǵdaıda juqtyryp alýy múmkin
ASTANA. QazAqparat – Brýtsellez – adamnyń (barlyq aǵzany zaqymdaıdy) jáne janýarlardyń qaýipti juqpaly aýrýy, múgedektikke ákelýi múmkin. Osy oraıda Densaýlyq saqtaý mınıstrligi aýrýdyń aldyn alý joldaryn usyndy, dep habarlaıdy QazAqparat.
Adam brýtsellezdi mynadaı jaǵdaıda juqtyrýy múmkin:
- aýrý malmen (usaq jáne iri qara mal, shoshqa) jáne ıtpen baılanysta bolǵan jáne soıǵan kezde, onyń ishinde týýy kezeńinde.
- aýrý janýarlardyń shıki eti men sút ónimderin qoldaný kezinde;
- aýrý janýarlardyń júni men terisin óńdeý kezinde.
Brýtsellezdiń belgileri:
býyndardaǵy, arqadaǵy úzilissiz aýyrsyný, kúshtiń tómendeýi, dene temperatýrasynyń joǵarylaýy (uzaq ýaqyt), tersheńdik, álsizdik, tábettiń tómendeýi, salmaq.
Negizgi eskertý sharalary:
- janýarlardy brýtsellezge tekserip, mal dárigerine aýrý jáne túsik týraly habarlańyz;
- mal soıý jáne mal baǵý kezinde jeke gıgıena erejelerin saqtańyz, jumys kıimin qoldanyńyz;
- balalardy, jasóspirimderdi, júkti áıelderdi maldyń týýy kezeńinde jumysqa tartpańyz;
- daladaǵy saýda oryndarynda et jáne sút ónimderin satyp almańyz.
