Adam balasynyń atom qýatyn paıdalanýdan bas tartar dármeni joq - Borıs Ýmanov
ATY. 14 sáýir. QazAqparat /Erlik Erjanuly/ - Atom qýatyn paıdalanýdan bas tartpaýymyz qajet. Bul pikirdi «Eýrazııa» saqtandyrý kompanııasy» AQ-nyń Basqarma tóraǵasy Borıs Ýmanov búgin Almatyda ótip jatqan 7-shi Halyqaralyq táýekel-menedjmenti konferentsııasynda aıtty.
«Japonııadaǵy «Fýkýsıma» AES-indegi apat «atomdyq renessansqa» bir sátte qaýip tóndirip, álemdik aýqymdaǵy radıofobııaǵa aınaldyrdy. Búgin biz Japon AES-indegi apat saldaryn baǵalaı almaımyz, biraq bul saldarlardyń qaýpin elemeýge bolmaıdy. Alaıda búginniń ózinde radıatsııalyq múmkin juǵýǵa qaraǵanda radıofobııaǵa baılanysty shıryǵýdan áldeqaıda kóp adam óletin sııaqty», - deıdi Borıs Ýmanov.
Onyń paıymdaýynsha, álemdik energetıkalyq balanstyń jaǵdaıyna qaraǵanda endi adam balasynyń atom qýatyn paıdalanýdan bas tartar dármeni joq. Bul kómirsýtegilik shıkizatqa qymbat baǵa belgileýge jáne onyń tapshylyǵyna aparyp soqtyrar edi. Sondyqtan «Fýkýsıma» sabaǵyn uǵynyp, alǵan maǵlumatymyzdy qoldanystaǵy jáne jańadan salynatyn reaktorlardy paıdalaný kezinde eskerýimiz kerek.
