Adam 3-5 mınýt saıyn betin ustaıdy – komıtet maska kııýdiń mańyzyn aıtty

NUR-SULTAN. QazAqparat - QR DSM Taýarlar men qyzmetterdiń qaýipsizdigi men sapasyn baqylaý komıtetiniń tóraǵasy Tımýr Sultanǵazıev kóshede maska taǵý talaptaryn túsindirdi, dep habarlaıdy QazAqparat tilshisi.

«Maska taǵý - aǵzany vırýstan qorǵaýdyń bir mehanızmi ekenin túsinýimiz qajet. Jabyq ǵımaratta, ıaǵnı dúkender men dárihanada, kólik ishinde maska taǵý mindettelgen. Ásirese, aýrý belgisi baıqalǵan adamdardyń qasynda nemese ózińizde qyzý, jótel, túshkirý paıda bolsa, mindetti túrde masqa taǵyńyz»- dep atap ótti T. Sultanǵazıev facebook jelisinde ótken onlaın brıfıngte.

Sonymen birge, halyq arasyndaǵy ınfektsııa kólemin azaıtý maqsatynda kóshede de maska taǵý usynylady.

«Dúnıejúzilik densaýlyq saqtaý uıymynyń málimdeýinshe, adam 3-5 mınýt saıyn betin ustaıdy. Bul da COVID-19 juqtyrý qaýpin kúsheıtedi. Osyǵan baılanysty, barlyq jastaǵy adamdarǵa kóshede de maska taǵyp júrýge keńes beremiz. Ásirese, kóptegen adamdar maskamen aýzyn jabady da, murnyn ashyq qaldyrady. Maskany 2-3 saǵat saıyn aýystyrmaıdy. Árıne, maskadan bólek, qol jýý, antıseptıkpen súrtý syndy ózge de qaǵıdalardy ustanǵan jón», - dedi T. Sultanǵazıev.