Adam 150 jyl ómir súre ala ma - The Wall Street Journal
«Illıonoıs ýnıversıtetiniń qoǵamdyq densaýlyq saqtaý mektebiniń epıdemıologııa jáne bıostatıstıka professory S.Dj.Olshanskıı men Alabama ýnıvrsıtetiniń bıology Stıven Ostad ekeýi 2000 jyly jaqynda adamdardyń ómir súrý uzaqytyǵy 150 jyl bolatynyna bástesken. 150 jasqa deıin ómir súretin alǵashqy adam dúnıege kelip, qazirgi zamanda ómir súrip jatyr ma?», - dep jazady The Wall Street Journal.
Avtordyń aıtýynsha, eki ǵalym ınvestıtsııalyq esepshotqa árqaısysy 300 dollardan salǵan. Bul soma 2150 jylǵa qaraı, ıaǵnı, bás ýaqyty aıaqtalǵan kezde mıllıard dollarǵa jetýi múmkin degen boljam bar.
«2150 jyly bıomedıtsına ǵylymy men dárilik quraldar salasyndaǵy jetistikter adamdarǵa 100 jyl ómir súrýge múmkindik beredi. Al keıbir adamdar 150 jylǵa deıin ómir súre alatyn bolady», - deıdi profesor Ostad.
Al professor Olshanskııdiń aıtýynsha, adamdar eń kóp degende ortasha eseppen 85-89 jyl ómir súre alady. Jaqsy jaǵdaıda júz jasqa jetýi múmkin, al 150 jyl degen múmkin emes meje.
«Professor Ostadtyń aıtýynsha, búgingi stýdentter bir ǵasyr ómir súre alady, sebebi olardyń densaýlyǵy adamzat tarıhyndaǵy densaýlyq jaǵdaıymen salystyrýǵa da kelmeıdi. Ol ýaqyt óte kele qarttyqqa qarsy dáriler de paıda bolady dep esepteıdi. Bul ómir sapasyn ózgertedi» dep jazylǵan maqalada.
Al onyń qarsylasy osy kúnge deıin adam eń kóbi 122 jyl ómir súrgenin aıtady. Al 100 jylǵa deıin ómir súrý jańa normaǵa aınalýy múmkin bolǵanymen, odan asýy ekitalaı.
«Adam ómirin uzartýdaǵy eń jaqsy jol – adamnyń densaýlyǵynyń jaqsy bolatyn kezeńin barynsha sozýǵa yqpal etý. Sebebi adam eń kóp degende 100 jasqa deıin ǵana ómir súre alady», - deıdi Olshanskıı.
