«Adaldyq alany» jobasy 2020 jyldy qorytyndylady
Keńes jumysyna vıtse-mınıstrler jáne jobany iske asyrýǵa jaýapty ákimderdiń orynbasarlary, ortalyq memlekettik organdardyń aýmaqtyq bólimsheleriniń basshylary, ádep jónindegi ýákilder jáne qoǵam ókilderi qatysty.
Keńes barysynda respýblıkalyq jobalyq keńseniń basshysy Tólegen Baıǵulov jobany iske asyrýdyń oń nátıjelerin atap ótti.
«Turmystyq sybaılas jemqorlyqty joıýdyń pármendi quraly ashyqtyq pen aıqyndyq ekenin eskere otyryp, «Adaldyq alany» respýblıkalyq jobasy aıasynda memlekettik apparattyń klıentke baǵdarlanýyn qamtamasyz etýge erekshe nazar aýdaryldy. Osylaısha 317 ákimdiktiń servıstik jumys úlgisine kóshkenin atap ótken jón. Oblystyq mańyzy bar qalalar men aýdandarda júz paıyz qamtamasyz etildi», - dep ol atap ótti.
Joba úılestirýshileriniń aıtýynsha, atqarylǵan jumys memlekettik qyzmetshilerdiń ashyqtyǵyn qamtamasyz ete otyryp, sheneýnikterdiń uıymdastyrýshylyq mádenıetin transformatsııalaýdy bastaýǵa múmkindik berdi.
Sybaılas jemqorlyqty jalpyǵa birdeı qabyldamaý jaǵdaılaryn jasaı otyryp, jobalyq keńesteriniń menedjerleri memlekettik kórsetiletin qyzmetterdi údemeli tsıfrlandyrýdy jalǵastyrdy, onyń deńgeıi 2020 jyldyń qorytyndysy boıynsha
93%- dy qurady.
Jobanyń myzǵymas bóligi qoǵam ókilderiniń jeke qatysýy boldy. Ol 80 myńǵa jýyq eriktini biriktirdi, olardyń qoldaýymen sybaılas jemqorlyq minez-qulyqty boldyrmaıtyn jaǵdaılar jasalýda.
Barlyq qoǵam ókilderi – «Adaldyq alany» óńirlik jobalyq keńesteriniń basshylary óńirlik ákimderiniń shtattan tys keńesshileri bolyp taǵaıyndaldy.
Azamattarda áleýmettik mańyzdy máseleler boıynsha qoǵamdyq monıtorıngilerde bastamashylyq jasaýǵa jáne oǵan qatysýǵa múmkindik paıda boldy.
Ótken jyly 10-nan astam sala qamtyldy, onyń ishinde dári-dármekpen qamtamasyz etý, qashyqtan oqytýdy uıymdastyrý, jol qurylysy jáne t. b.
Azamattardyń suranystaryna der kezinde jaýap berý úshin jobalyq keńseler problemalyq máselelerdi sheshý úshin kez-kelgen adam júgine alatyn Facebook-tegi resmı paraqshalardy belsendi túrde júrgizedi. Ótken jyldyń ózinde júgingen 11 500 azamattyń 80% sybaılas jemqorlyq táýekelderimen baılanysty problemalyq máselelerdi oń sheshe aldy.
Óńirlerde jobany iske asyrýdyń oń nátıjelerin eskere otyryp, sybaılas jemqorlyqqa qarsy vedomstvo basshysy Alık Shpekbaev vıtse-mınıstrlerdi mınıstrlikter deńgeıinde osyndaı jumysty uıymdastyrýǵa shaqyrdy.
Onyń aıtýynsha, jobalyq keńseler bıýdjet qarajatynyń jumsalýyn baqylaýda, sybaılas jemqorlyq táýekelderin boldyrmaýda jáne memlekettik qyzmetterdi tsıfrlandyrýdy jedeldetýde, kedergisiz front-ofısterdi engizý arqyly halyqqa qyzmet kórsetýdiń servıstik úlgisine kóshýde azamattyq qoǵamdy belsendi tarta otyryp, sybaılas jemqorlyqqa qarsy bastamalardyń generatory bolýy tıis.
Bul óz kezeginde mınıstrlikterdiń jumysynyń ashyqtyǵyn jáne halyqqa esep berý jaǵyn túbegeıli ózgertedi.
Sondaı-aq, A.Shpekbaev el basshylyǵyna sybaılas jemqorlyqpen kúres boıynsha laıyqty bastamalary joq basshylar týraly aqparat daıyndaý týraly tapsyrma berdi.
Qorytyndylaı kele, sybaılas jemqorlyqqa qarsy saıasatty sapaly iske asyrý úshin memlekettik organdar qoǵammen tıisti baǵalaý ádistemesin qurýdy usyndy.