«Adaldyq saǵatyna» Aqmola oblysynan 556 mektep qatysty

KÓKShETAÝ. QazAqparat – Aqmola oblysynda oqýshylar arasynda parasattylyq ıdeologııasyn ilgeriletý maqsatynda Abaıdyń 175-jyldyǵyna arnalǵan «Adaldyq saǵaty» ótti. Bul týraly QazAqparat QR Sybaılas jemqorlyqqa qarsy is-qımyl agenttigi Aqmola oblysy boıynsha departamentiniń baspasóz qyzmetine silteme jasap habarlaıdy.

Buǵan deıin ótkizilgen shara bıyl onlaın formatynda ótkizilip otyr.

«Adaldyqty mura etken Uly Abaı» - qazaq aqyny men aǵartýshysynyń shyǵarmashylyǵyna arnalǵan taqyryptaǵy respýblıkalyq «EL ARNA» jáne «Balapan» telearnalary, sondaı-aq Agenttiktiń Youtube-arnasy men onyń aýmaqtyq departamentteriniń, «Adaldyq alańy» jobalyq keńseleriniń áleýmettik jelilerdegi paraqshalary arqyly kórsetilimder uıymdastyryldy.

Atalǵan aktsııa aıasynda respýblıka boıynsha joǵarǵy oqý oryndary jáne kolledjderdiń 1-kýrs stýdentteri men 9-11 synyp oqýshylary qamtyldy. Aqmola óńirinde aktsııaǵa 556 mektep, 4 JOO jáne 34 kolledj qatysty», - deıdi vedomstvonyń baspasóz hatshysy Dınara Nurtas.

Aıta keteıik, oblystyq Sybaılas jemqorlyqqa qarsy qyzmeti qoǵamda parasattylyq qaǵıdattaryn nasıhattaýdy, onyń ishinde «Adaldyq saǵaty» aktsııasy sheńberinde dáris ótkizý jolymen turaqty negizde júzege asyrady.