«Adaldyq alańynyń» arqasynda 317 ákimdik servıstik formatqa kóshti
«Osyndaı qıyn kezeńge qaramastan, biz basty mindetimizden aınyǵan joqpyz. Ashyqtyq, aıqyndyq, eseptilik, qoljetimdilik jáne klıentke baǵdarlaný qaǵıdattaryn barlyq jerde engizýdi kózdeıtin agenttiktiń jobalyq qyzmetin jańa deńgeıge kóterdik. Jumysy jandana túsken «Adaldyq alańy» jalpyulttyq qozǵalysynyń arqasynda 317 ákimdik servıstik formatqa kóshti. Buǵan aýdandar men oblystyq mańyzy bar qalalar 100 paıyz qamtyldy. 2300-den astam kedergisiz front-ofıs pen oýpenspeıstiń ashylýy memlekettik mekemelerde qyzmet alý protsesin neǵurlym yńǵaıly etti. Joba memlekettik qyzmetterdi tsıfrlandyrýǵa aıtarlyqtaı serpin berdi», - dedi Alık Shpekbaev agenttiktiń alqa otyrysynda.
Onyń aıtýynsha, halyqaralyq standart boıynsha ol keminde 90 paıyz bolýy qajet bolsa, Qazaqstanda tsıfrlandyrý 93 paıyzǵa jetip, osy saladaǵy turmystyq jemqorlyq deńgeıin tómendetti.
«Bizdiń barlyq óńirde ashylǵan «Antıkor ortalyqtarymyz» halyqtyń ıgiligine arnalǵan. Osy oraıda, aýmaqtyq departament basshylary bizge júgingen árbir azamatqa sapaly qyzmet kórsetilýin qamtamasyz etýi qajet. Antıkor ortalyqtary jemqorlyqpen kúresý úshin kreatıvti jáne belsendi, is júzinde qabiletti azamattardy biriktirýi tıis», - dedi agenttik tóraǵasy.
