«Adaldyq alańy» jobalyq keńsesiniń jetekshisi Tólegen Baıǵulov ómirden ótti

NUR-SULTAN. QazAqparat - Búgin QR Sybaılas jemqorlyqqa qarsy is-qımyl agenttiginiń janyndaǵy «Adaldyq alańy» respýblıkalyq jobalyq keńsesiniń jetekshisi Tólegen Zıneshuly Baıǵulov mezgilsiz ómirden ótti, dep habarlaıdy QazAqparat.

Tólegen Baıǵulov Sybaılas jemqorlyqqa qarsy birinshi medıaortalyqtyń tóraǵasy jáne «Adaldyq alańy» jobalyq keńsesiniń jetekshisi retinde sybaılas jemqorlyqqa qarsy saıasatty iske asyrý, memlekettik organdardyń ashyqtyǵyn qamtamasyz etý jáne qoǵamdyq baqylaýdy kúsheıtý boıynsha irgeli jumystar atqardy.

Azamattyq ustanymy joǵary qoǵam belsendisi retinde qoǵamdyq-saıası jumystarǵa belsene qatysyp, eldiń ıgiligine qyzmet etti.

Sybaılas jemqorlyqqa qarsy túrli jobalardy iske qosyp, «Adaldyq alańynyń» jalpyulttyq qozǵalysqa aınalýyna úles qosty.

Ol pandemııa kezindegi qaýip-qaterge qaramastan, tosqaýyl beketterge, aýrýhanalar men dári-dármek qoımalaryna monıtorıng jasap, qıyn kezeńde halyqpen birge boldy.

Onyń jedel jeli retinde paıdalanǵan jeke nómirine 4 500-den asa azamat habarlasyp, zań buzýshylyqtar týraly habarlaǵan.