Adaldyq alańy: Shyǵys Qazaqstan ýnıversıtetinde Abaı murasy talqylandy
Onlaın konferentsııaǵa QR Memlekettik qyzmet isteri agenttiginiń ShQO boıynsha departamentiniń basshysy Janna Qabdoldaqyzy, Sybaılas jemqorlyqqa qarsy is-qımyl departamenti basshysynyń orynbasary Jiger Baıdıldın jáne QR Prezıdentiniń janyndaǵy Memlekettik basqarý akademııasynyń, S. Amanjolov atyndaǵy ShQMÝ, Qazaqstan-Amerıka erkin ýnıversıtetiniń ókilderi qatysty.
Prezıdent Qasym-Jomart Toqaev «Abaı jáne HHІ ǵasyrdaǵy Qazaqstan» atty maqalasynda Abaıdyń «bir ǵasyrdan astam ýaqyt buryn ultty jańǵyrýǵa, jańarýǵa, jańa ómirge beıim bolýǵa shaqyrǵan» dep atap ótti. Endeshe, biz osy jahandaný zamanynda jamannan jırenip, jaqsyny úırenýimiz qajet.
Ýnıversıtet prorektory Saýle Rahmetýllına akademııalyq adalyqty saqtaý qaǵıdalaryna jáne Abaıdyń ulttyq zań júıesine qosqan úlesine toqtaldy. Al Memlekettik qyzmet isteri agenttiginiń oblystyq departamen basshysy Janna Qabdoldaqyzy Abaı ilimi negizinde stýdentterdi adaldyqqa tárbıeleýde oqý ornynyń róli erekshe bolatynyna toqtaldy. Budan bólek, onlaın konferentsııa spıkeri ShQO Sybaılas jemqorlyqqa qarsy is-qımyl departamenti basshysynyń orynbasary Jiger Baıdıldın sybaılas jemqorlyqqa qarsy mindetterdi aıqyndaǵan zańnama tarıhyna toqtalyp ótti. Ol óz sózinde oqý oryndarynda sybaılas jemqorlyq quqyq buzýshylyqtar jasaýǵa yqpal etetin sebepter men jaǵdaılar týraly da aıtyp ótti.
Jalpy akademııalyq adaldyqtyń saıası maqsaty ¬ joǵary bilim berý sapasyn álemdik standarttarǵa sáıkestendirý, onyń básekege qabilettiligin arttyrý úshin oqytýshylar men stýdentter arasynda adaldyq qarym-qatynastaryn qalyptastyrý, alaıaqtyqqa, jemqorlyqqa, paraqorlyqqa jol bermeý bolyp tabylady.
Onlaın konferentsııaǵa qatysqan stýdentter de óz zertteýlerin usyndy. Olar sheteldik oqý oryndardyń bilim berý saıasatyn mysalǵa keltirip, bul rette amerıkalyq stýdentterdiń akademııalyq adaldyq reıtıngi óte joǵary deńgeıde ekenin atap ótti.
