Adaldyq jasqa qaramaıdy: oqýshylar kósheden 300 myń teńge taýyp alyp, polıtsııaǵa tapsyrǵan

ASTANA. KAZINFORM — Adaldyq — bala boıyna sińgen tárbıeniń eń kórkem kórinisi. Muny Atyraý oblysy Nursaıa yqsham aýdanyndaǵy bir top oqýshy isimen dáleldedi.

y
Foto: vıdeodan alynǵan skrın

Nursaıa yqsham aýdanynda patrýldeý kezinde patrýldik polıtsııa batalonynyń qyzmetkerlerine bir top oqýshy jaqyndap, kósheden 300 myń teńgege jýyq aqshasy bar ámııan taýyp alǵanyn aıtqan. Balalar tabylǵan qarajatty zańdy ıesine qaıtarý maqsatynda polıtsııaǵa júgingen.

Polıtseıler jedel túrde ámııan ıesin anyqtap, joǵalǵan aqshany ıesine tabystady.

- Adaldyq jasqa qaramaıdy. Osyndaı kishkentaı júrekterden bastaý alatyn úlken jaqsylyq qoǵamǵa izgilik uıalatady. Al adaldyqty bárinen bıik qoıǵan jas urpaqtyń árbir ónegeli isi – el erteńine degen senimniń jarqyn kórinisi! – delingen ІІM habarlamasynda.

Buǵan deıin eńbek pen adaldyqty dáriptegen naqyl sózder jınaǵy jaryq kórgenin jazǵan edik.