Adalbek Qunanbaevty QR Prezıdenttigine kandıdat etip tirkeýden bas tartyldy - QR OSK
ASTANA. 21 aqpan. QazAqparat /Asqar Bımendın/ - QR Prezıdenttigine úmitker tarıh pániniń ustazy, astanalyq Adalbek Qunanbaevtyń kandıdatýrasyn tirkeýden búgin resmı túrde bas tartyldy.
Úmitkerge QR Prezıdenttigine kandıdat etip tirkeýden bas tartý týraly qaýlynyń jobasyn OSK hatshysy Baqyt Meldeshev tapsyrdy.
«Kezekti otyrysqa Qunanbaev Adalbek Oqanulyn QR Prezıdenttigine kandıdat etip tirkeýden bas tartý týraly qaýly jobasy shyǵarylady. Úmitker Konstıtýtsııanyń jáne «Qazaqstan Respýblıkasyndaǵy saılaý týraly» Konstıtýtsııalyq zańynyń talaptaryna sáıkes emes dep anyqtalsyn», - dedi qujat jobasyn oqyǵan B.Meldeshev.
OSK hatshysy túsindirgendeı, Adalbek Qunanbaev memlekettik tildi qanshalyqty meńgergenin anyqtaýǵa arnalǵan emtıhandy tapsyra almady jáne ony ózi de moıyndap otyr.
Osyǵan oraı Ortalyq saılaý komıssııasynyń músheleri Adalbek Okanuly Qunanbaevty Qazaqstan Respýblıkasynyń Prezıdenttigine kandıdat retinde tirkeýden bas tartý týraly qaýlyny biraýyzdan qabyldady.
