«ADAL» partııasynan depýtattyqqa kandıdattar Qostanaı turǵyndarymen kezdesti

QOSTANAI. QazAqparat - Búgin «ADAL» partııasynyń depýtattyqqa kandıdattar - Oljas Ordabaev, Aqmaral Bekmurzaeva jáne partııa hatshysy Nurlybek Muqanov Qostanaı qalasynyń turǵyndarymen kezdesti, dep habarlaıdy QazAqparat.

Áleýmettik jelilerde tikeleı efırde ótken kezdesý barysynda Oljas Ordabaev partııa baǵdarlamasy men saıt týraly habardar etti.

Turǵyndar birqatar máselelerdi ortaǵa saldy. Olardyń ishinde - aýyl sharýashylyǵy úshin jerdiń jetispeýshiligi, fermerlerdiń eskirgen tehnıkasy, tozǵan kommýnaldyq jeliler bar.

Sondaı-aq, turǵyndar ystyq sýdy óshirý máselesin de atap ótti.

Zarechnyı aýylynyń turǵyndary nashar ınfraqurylym men kólik jumysy týraly aıtty.

Qyzylordadaǵy kezdesýler de óte mazmundy boldy. Olardy Májilis depýtattyǵyna kandıdattar Ardaq Nazarov, Maqsat Tolyqbaı, Almasbek Sadyrbaev, Dáýlet Muqaev júrgizdi.

Jergilikti turǵyndar tegin medıtsına, bilim berý júıesi - ýnıversıtetterdegi praktıkalyq sabaqtardyń 60% -ǵa deıin ulǵaıýy, baspana alǵysy keletinderge naqty kómek retinde sertıfıkat berý máselesin kóterdi.

Qyzý pikirtalas aýylsharýashylyq qajettilikterine jer berý máselesinen týyndady.

«ADAL» partııasynan Májilis depýtattyǵyna kandıdat Lazzat Shyńǵysbaeva Almaty oblysy, Úsharal qalasynyń turǵyndarymen kezdesti.