«Adal azamat» tujyrymdamasy ázirlenip jatyr
ASTANA. KAZINFORM — Mádenıet jáne aqparat mınıstrligi «Adal azamat» tujyrymdamasyny jobasyn ázirlep jatyr. Bul jaıynda Premer-Mınıstrdiń orynbasary Tamara Dúısenovanyń Senat depýtattarynyń saýalyna bergen jaýabynda aıtylǵan.
«Memleket basshysy Ulttyq quryltaıdyń ekinshi otyrysynda „Adal azamat“ ıdeıasyn aıtyp, elimizde jańa qoǵamdyq etıkany qalyptastyrý qajettigin atap ótti. Osyǵan baılanysty Mádenıet jáne aqparat mınıstrligimaqsaty qazaqstandyq ulttyń jańa sapasyn qalyptastyrý bolatyn „Adal azamat“ tujyrymdamasynyń jobasyn ázirleýde. „Adal azamat“ patrıotızm, ádildik, kásipqoılyq, únemshildik, eńbekqorlyq, óz eli men otbasy aldyndaǵy jaýapkershilik sııaqty eń asyl qasıetterdi dáripteıtin bolady», — dedi vıtse-premer jaýabynda.
Onyń atap ótýinshe, tujyrymdama jobasy qoǵamdaǵy minez-qulyq etıkasyn qalyptastyrý, otbasylyq qundylyqtardy nyǵaıtý (zorlyq-zombylyqqa múldem tózbeý), eńbekqorlyq pen kásipqoılyq, jastardyń ekologııalyq mádenıeti men patrıottyq rýhyn qalyptastyrý sııaqty mindetterdi qamtıdy.
«Qazirgi ýaqytta mınıstrlik múddeli memlekettik organdarmen, qoǵamdyq birlestiktermen jáne sarapshylyq qoǵamdastyqpen birlesip, tujyrymdamanyń negizgi baǵyttaryn aıqyndap, halyqaralyq tájirıbeni jáne taǵy basqasyn zerdeleýde», — dedi Tamara Dúısenova.
