«Adal azamat»: 2 myńnan astam mektepte biryńǵaı tárbıelik orta qalyptastyrylady
ASTANA. KAZINFORM — Memleket basshysy Qasym-Jomart Kemeluly Toqaevtyń «Adal azamat» birtutas tárbıe baǵdarlamasynyń qoldanys aıasyn keńeıtý jónindegi tapsyrmasyna sáıkes elimizdiń mektepterinde biryńǵaı tárbıelik orta qalyptastyrý jumystary júrgizilýde.
Bilim berý keńistigi arnaıy ázirlengen brendbýk negizinde mazmundyq jáne kórneki materıaldarmen tolyqtyrylyp jatyr.
Mektepterdi bezendirýde «Adal azamat» baǵdarlamasynyń negizgi qundylyqtary, Jańa Konstıtýtsııanyń normalary men qundylyqtary, «Taza Qazaqstan» ıdeıalary, uly tulǵalardyń taǵylymdy sózderi, sondaı-aq Qazaqstannyń tabıǵaty men kórikti jerlerin tanytatyn beıneler qamtylǵan.
Bul jumys «Adal azamat» qundylyqtaryn oqýshylardyń kúndelikti ortasyna engizýge, olardyń boıynda azamattyq jaýapkershilik pen otanshyldyqty, zańǵa baǵyný mádenıetin jáne qorshaǵan ortaǵa uqypty qaraýdy qalyptastyrýǵa baǵyttalǵan.
Aıta ketelik 2026-2027 oqý jylynda 8 myńnan astam mektepte 4,1 mıllıon bala bilim alady.
