Activ banki jastar bastamasyn qoldaýǵa arnalǵan joba aıasynda qorytyndy kezdesý ótti
ALMATY. Shildeniń 12-i. QazAqparat /Názıra Eleýhan/ - Búgin Activ banki, Qazaqstan/Kcell jáne Ortalyq Azııadaǵy Eýrazııa qorynyń iske asyrýymen júzege asyp kele jatqan, jastar bastamasyn qoldaýǵa arnalǵan "Jastar ıdeıalary Activ banki" jobasy aıasynda Qostanaı, Oral, Óskemendegi óz komıtetterimen kezdesý ótkizip, jumys nátıjelerimen tanysty.
Kezdesý barysynda basqarma komıtetterdiń qyzmet barysy talqylanyp, olar óz tájirıbelerimen bólisti. Sonymen qatar, kezdesý barysynda GSM Qazaqstan/Kcell jáne Ortalyq Azııadaǵy Eýrazııa qory komıtet músheleri úshin jobany basqarý boıynsha arnaıy trenıng ótkizdi.
Ortalyq Azııadaǵy Eýrazııa qorynyń dırektory Rınad Temirbekovtiń aıtýynsha, ótken jyly Activ jastar ıdeıalary banki elimizdiń 4 qalasyndaǵy bastamashyl toptarǵa, sondaı-aq, jeke tulǵalarǵa 18 áleýmettik mańyzy bar kishi jobalardy iske asyrýǵa grant bólgen. «Arnaıy ólshemmen tańdap alynǵan jobalar talantty jastardy qoldaýǵa, salaýatty ómir saltyn nasıhattaýǵa, mádenı jáne sporttyq sharalardy ótkizýge, volonterlikti, patrıotızmdi, quqyqtyq saýattylyqty damytýǵa baǵyttalǵan», dedi ol.
"Men úshin "Jastar ıdeıalary Activ banki" - ómirimdegi eń basty salalardyń biri. Men bul jobaǵa atsalysqaly beri, qoǵamdyq jumystarmen aınalysqym keletindigimdi túsindim. Biz óz komandamyzdy qurdyq, bizge qosylýshylardy da qabyldap, bilgenimizdi úıretýdemiz. Men Qazaqstandaǵy Jastardyń bank júıesin qurýǵa óz úlesimdi qosyp jatqanymdy maqtan tutamyn", dep atap ótti Óskemen qalasyndaǵy Jastar ıdeıalary Activ banki komıtetiniń prezıdenti Zarına Jumaǵalıeva.
