Actanada short-trekten ASTANA-OPEN chempıonaty ótedi
ASTANA. QazAqparat – 29-30 qarasha kúnderi elordadaǵy «Alaý» muz saraıynda short-trekten «ASTANA-OPEN» ashyq qala chempıonaty ótedi, dep habarlaıdy QazAqparat Astana qalasy ákimdiginiń resmı saıtyna silteme jasap.
Bul chempıonatta aldaǵy qysqy maýsymǵa úzdik sportshylardan turatyn Astana qalasynyń qurama komandasy jasaqtalady. Jeńimpazdar ár jas tobyndaǵy jáne ár qashyqtyq boıynsha jeke birinshilikterde anyqtalady.
Chempıonattyń jas sanaty jáne qashyqtyǵy:
- Kishi jastaǵy qyzdar men uldar:
2009 j.t. (II jartysy – 500 m)
2011 j.t. (I jartysy – 333 m)
- A tobyndaǵy uldar men qyzdar:
2011 j.t. (II jartysy – 500 m)
2013 j.t. (I jartysy – 333 m)
- B tobyndaǵy uldar men qyzdar:
2013 j.t. (II jartysy – 333 m)
2015 j.t. (I jartysy – 222 m)
- B tobyndaǵy uldar men qyzdar:
2015 j.t. (II jartysy – 222 m)
2016 j.t. jáne odan kishi – 111 m)
Jarysqa elimizdiń Aqmola, Qostanaı, Qyzylorda, Soltústik Qazaqstan oblysy jáne Astana qalasynan 180 qatysýshy tirkelgen. Olar eki kún boıy ózderiniń baqtaryn synaıtyn bolady. Sonymen qatar, atalǵan jarysqa halyqaralyq dárejedegi sport sheberi, álem kýbogi men álem birinshilikteriniń júldegeri Abzal Ájǵalıev qurmetti qonaq retinde shaqyrylǵan.
Jarystyń ashylý saltanaty «Alaý» muz saraıynda 29 qarasha saǵat 11:00-ge josparlanǵan. Al, jarystyń ózi eki kún boıy 9:00-den 14:00-ge deıin ótedi.
Foto: gov.kz
