Achınskidegi oq-dári qoımasynda bolǵan jańa jarylystan 9 adam zardap shekti
AChINSK.TASS-QazAqparat – Achınsk qalasy túbindegi oq-dári qoımasynda bolǵan jańa jarylystan toǵyz adam zardap shekken. Bul týraly Achınsk aýdanaralyq ortalyq aýrýhanadan málim etti, dep habarlaıdy TASS agenttigi.
Ólke gýbernatory baspasóz qyzmetiniń aqparatyna qaraǵanda, jarylystar mınadan tazartý jumystaryn júrgizý kezinde bolǵan. Al kúsh qurylymdarynyń málimdeýinshe, jańa jarylystarǵa naızaǵaı sebep.
Aldyn ala málimetterge qaraǵanda, oq-dári alańyna jaı túsken, saldarynan eki jarylys bolǵan.
Shuǵyl qyzmettegi derekkózdiń aıtýynsha, áskerı qoımaǵa jaqyn turǵan úılerdiń turǵyndaryn qaýipsiz aımaqqa evakýatsııalap jatyr.
