ÁCh: L.Kúngeıbaevanyń jartylaı fınaldaǵy qarsylasy - túrkııalyq E.Bozdýman
ASTANA. QazAqparat - Ońtústik Koreıanyń Djedjý qalasynda ótip jatqan áıelder arasyndaǵy bokstan álem chempıonatynda 81 keliden joǵary salmaq sanatynda jarys jolyna shyqqan Lázzat Kúngeıbaeva jartylaı fınalǵa joldama aldy. Bul týraly QR Boks federatsııasynyń baspasóz qyzmetinen habarlady.
Shırek fınalda 2012 jylǵy Azııa birinshiliginiń qola júldegeri L.Kúngeıbaeva 2011 jylǵy Eýropa chempıonatynda úshinshi orynǵa taban tiregen horvatııalyq Danıell Vernıchpen qolǵap túıistirgen bolatyn. Qarsylasynan oq boıy ozyq shyqqan boksshymyz tóreshilerdiń sheshimimen taza jeńiske jetti.
Endi ol, erteń, jartylaı fınalda 2014 jylǵy Eýropa chempıonatynyń qolda júldegeri túrkııalyq Emın Bozdýmanmen judyryqtasady.
Aıta keterligi, 48 keli salmaq sanatynda jarys jolyna shyqqan taǵy bir boksshymyz Nazym Qyzaıbaıda jartylaı fınalǵa joldama alǵan edi. Ol da 23 qarasha kúni japondyq Madoka Vadamen sharshy alańda kezdesedi.
