ÁCh: Qazaqstannyń 4 boksshysy jartylaı fınalda
ASTANA. QazAqparat - Reseıdiń Sankt-Peterbor qalasynda ótip jatqan jasóspirimder arasynda bokstan álem chempıonatynyń jartylaı fınalyna Qazaqstannyń 4 boksshysy shyqty. Bul týraly QazAqparat Qazaqstan boks federatsııasynyń baspasóz qyzmetine silteme jasap habarlaıdy.
Sonymen shırek fınaldyq kezdesýler barysynda 52 keli salmaq sanatynda sharshy alańǵa shyqqan Aıdos Arapov kýbalyq qarsylasy Elıo Krespoǵa ese jiberse, asa aýyr salmaqtaǵy boksshymyz Aboldy Dáýrenuly grýzın Georgıı Chıgladzege utyldy.
Al Bekzat Nurdáýletov (81 keli) ırlandyq Krıs OReılıdi taza utsa, Bek Nurmaǵambet (75) amerıkalyq Nıkıta Ababıdiń tas-talqanyn shyǵaryp utty. Samatáli Toltaev (56) túrik boksshysy Alı Ihsan Alagastyń jolyn kesse, Sadrıddın Ahmedov (69) kezdesýdiń úshinshi raýndynda qyrǵyz boksshysy Aıbek Aqylbekulyn nokaýtqa túsirdi.
26 qarasha kúni ótetin jartylaı fınaldyq kezdesýde Samat Toltaev avstralııalyq Sem Gýdmanmen aıqasady. Al Bek Nurmaǵambetti qarsylasy nemis Vezır Agırman. Sadrıddın Ahmetov brıtandyq Mohammed Ákbarmen kim myqtyny anyqtaıdy. Bekzat Nurdáýletov bolsa ýkraındyq Roman Savıtskımen sharshy alańda kezdesedi.
Aıta keterligi, bul jekpe-jekterdi Kazsport telearnasy tikeleı kórsetetin bolady.
