ÁCh: Qazaqstan fýtbol quramasy 2026 jylǵy irikteý kezeńin qashan bastaıdy
ASTANA. KAZINFORM - Fýtboldan Qazaqstan quramasynyń 2026 jylǵy álem chempıonatyna irikteý kezeńindegi oıyn kestesi belgili boldy.
El quramasy 2026 jylǵy álem chempıonatyna irikteý kezeńinde J tobynda baq synaıdy. Qarsylastary - Belgmıa, Ýels, Soltústik Makedonııa jáne Lıhtenshteın.
El quramasy toptyq kezeńdegi alǵashqy oıynyn 2025 jyldyń 25 naýryzynda syrt alańda Lıhtenshteınge qarsy ótkizedi. Al sońǵy oıyny sol jyldyń 15 qarashasyna belgilengen.
25/26.03.2025.00:45. Lıhtenshteın - Qazaqstan
9.06.2025.19:00. Qazaqstan - Soltústik Makedonııa
4.09.2025.19:00. Qazaqstan - Ýels
7.09.2025.23:45. Belgııa - Qazaqstan
10.10.2025. 9:00 Qazaqstan - Lıhtenshteın
13.10.2025. 23:45 Soltústik Makedonııa - Qazaqstan
15.11.2025.19:00 Qazaqstan - Belgııa.
Álem chempıonaty Eýropa qurlyǵy boıynsha irikteý kezeńine qatysyp jatqan barlyq qurama 12 topqa 4 nemese 5 komandaǵa bólinedi. Tórt quramadan turatyn alǵashqy alty top (A-F) irikteý týrnırin 2025 jyldyń qyrkúıeginde bastasa, qalǵan 5 quramadan turatyn 6 top (G-L) 2025 jyldyń naýryzynda bastaıdy.
Top jeńimpazy álem chempıonatyna tikeleı joldama alsa, ekinshi oryn ıegeri ótpeli match oınaıdy.
Fınaldyq kezeń 2026 jyldyń 11 maýsymy men 19 shildesi aralyǵynda AQSh-tyń Atlanta, Boston, Dallas, Hıýston, Kanzas-Sıtı, Los-Andjeles, Maıamı, Nıý-Iork, Fıladelfııa, San-Frantsısko, Sıetl, Kanadannyń Toronto, Vankýver jáne Meksıkanyń Gvadalahara, Mehıko, Monterreı qalalarynda ótedi.
Aıta keteıik, alǵash ret dúbirli dodada 48 qurama baq synaıdy.