ÁCh irikteý: Qazaqstan áıelder quramasy Anglııadan oısyraı jeńildi
ASTANA. QazAqparat - Álem chempıonaty - 2019 irikteý týrnıri aıasynda fýtboldan Qazaqstan áıelder quramasy Anglııa komandasynan oısyraı utyldy, dep habarlaıdy «SPORTINFORM» SAA tilshisi.
Pavlodarda ótken matchta alań ıeleri 9-shy mınýtta Mıdtiń soqqan golyn jiberip aldy. Úziliske deıin qonaqtar Deılıdiń arqasynda taǵy bir gol saldy. Ekinshi taımda Krıstansen, Stannıfort, Mıd jáne Bronz esepti aǵylshyndyqtardyń paıdasyna 6:0-ge jetkizdi.
Bul qazaqstandyqtar úshin qorytyndy oıyn boldy. Bizdiń qurama 3 upaımen, kestede sońǵy oryndy ıelendi. Aǵylshyndyqtar merziminen buryn kelesi aınalymǵa shyqty.
Fýtboldan áıelder Ulttyq quramasy match aldynda Pavlodarda jankúıerlermen kezdesken bolatyn. Olardyń suraqtaryna jaýap berip, qoltańba taratqan edi.
