ÁCh: Hokkeıden Qazaqstan jasóspirim qyzdar quramasy Nıderlandtan basym tústi

ASTANA. KAZINFORM - Latvııa astanasy Rıga qalasynda ótip jatqan shaıbaly hokkeıden jasóspirim qyzdar arasyndaǵy álem chempıonatynda Qazaqstan Nıderland quramasyn jeńdi. 

Kezdesý barysynda qazaqstandyq hokkeıshiler jaqsy oıyn kórsetti. Alǵashqy kezeńde tórt shaıba soqsa, ekinshi kezeńde qazaqstandyq qyzdar taǵy úsh márte kózge tústi. Úshinshi kezeńde tórt gol soǵylyp, qorytyndy esepti belgilendi.

Osylaısha qazaqstandyqtar qarsylasynan 11:0 esebimen basym tústi. 

Qazaqstan – Nıderland 11:0 (4:0, 3:0, 4:0)

1:0 – 14:14. Feoktıstova (Rakovskaıa, Krýholskaıa)
2:0 – 15:41. Feoktıstova (Zýbkova)
3:0 – 16:30. Zýbkova (Krýholskaıa)
4:0 – 17:11. Mýraveva (Rakovskaıa)
5:0 – 29:03. Rakovskaıa (Mýraveva, Jakýlına)
6:0 – 38:50. Jakýlına (Rakovskaıa)
7:0 – 39:35. Feoktıstova (Zýbkova)
8:0 – 52:37. Feoktıstova (Zýbkova, Krýholskaıa) GB
9:0 – 53:40. Mýraveva (Jakýlına, Rakovskaıa)
10:0 – 54:45. Mýraveva GM
11:0 – 58:35. Krýholskaıa (Rakovskaıa)

Eki qurama buǵan deıin 4 márte kezdesti. Barlyǵynda nıderlandtyq hokkeıshiler basym túsken edi.

Eske salsaq, bıyl álem chempıonatynda buǵan deıin qazaqstandyq hokkeıshiler Ulybrıtanııaǵa 1:3 esebimen ese jiberse, odan keıin Jańa Zelandııany 14:3, Taıvandy 6:0 esebimen tize búktirdi.

Qazir týrnır kestesinde tórt oıynnan keıin 12 upaı jınaǵan Ulybrıtanııa birinshi orynda kele jatsa, odan keıingi oryndardaǵy Qazaqstan men Latvııanyń enshisinde toǵyz upaıdan bar. Al Nıderland pen Jańa Zelandııa úsh upaıdan enshilese, Taıvan ázirge birde-bir upaıǵa ıe bolǵan joq. 

Endi qazaqstandyq hokkeıshiler búgin, 26 qańtarda Latvııamen kezdesedi.