ÁCh: 3 dúrkin olımpıada, 10 dúrkin álem chempıony jarysty tastaýǵa májbúr boldy
ASTANA. QazAqparat - Sporttyq gımnastıkadan úsh dúrkin olımpıada chempıony jáne 10 dúrkin álem chempıony japondyq Koheı Ýtımýra jilinshiginiń jaraqatyna baılanysty kanadalyq Monrealda ótip jatqan álem chempıonatynan shyǵyp qaldy.
Bul jaıly halyqaralyq gımnastıka federatsııasynyń (FIG) baspasóz baıanynda habarlanǵan.
Japondyq gımnasshy qoldy tirep sekirý kezinde sol jaq jilinshigin jaraqattap aldy. Ol tuǵyrdan túsken kezde aıaǵyn syltı basty. Sońynda Ýtımýra jaryspaly qossyryqqa shyqqanymen, artynsha jalǵastyrýdan bas tartty. Atalǵan sport túrinen japondyq 2009 jyldan beri qatarynan alty ret álem chempıony atanǵan.
London men Rıo-de-Janeırodaǵy olımpıada oıyndarynda da kóp satyly jarystardan altyn oljalaǵan bolatyn.
