ÁCh-2026: sońǵy shırek fınaldyq matchtardy qaıdan kórýge bolady
ASTANA. KAZINFROM — 12 shildede fýtboldan 2026 jylǵy álem chempıonatynyń sońǵy shırek fınaldyq matchtary ótedi. Osy oıyndardyń qorytyndysy boıynsha týrnırdiń barlyq jartylaı fınalısteri anyqtalady, dep habarlaıdy Informsport.kz.
12 shilde kúni Qazaqstan ýaqytymen saǵat 02:00-de AQSh-tyń Florıda shtatyndaǵy Maıamı-Gardens qalasyndaǵy «Hard-Rok» stadıonynda Norvegııa men Anglııa quramalary kezdesedi.
Matchtyń tikeleı kórsetilimi Qazsport telearnasynan kórsetiledi.
Saǵat 06:00-de qazirgi álem chempıony Argentına quramasy jartylaı fınal joldamasy úshin Shveıtsarııamen oınaıdy. Kezdesý AQSh-tyń Mıssýrı shtatyndaǵy Kanzas-Sıtı qalasyndaǵy «Arroýhed Stedıým» arenasynda ótedi.
Oıyndy Qazaqstan jáne Qazsport telearnalarynan tikeleı efırde tamashalaýǵa bolady.
Aıta keteıik, 2026 jylǵy fýtboldan álem chempıonaty AQSh, Kanada jáne Meksıkada ótip jatyr. Týrnırdiń fınaldyq matchy 19 shildede AQSh-tyń Ist-Raterford qalasynda bolady.
Buǵan deıin álem chempıonatynyń jartylaı fınalyna Frantsııa men Ispanııa quramalary joldama alǵan bolatyn.
