ÁCh-2026: Shveıtsarııa quramasy Aljırden basym túsip, 1/8 fınalǵa shyqty
ASTANA. KAZINFORM — Fýtboldan 2026 jylǵy álem chempıonatynda Shveıtsarııa quramasy 1/8 fınalǵa joldama aldy.
Shveıtsarııalyq fýtbolshylar pleı-off satysynda Aljırmen jasyl alańǵa shyqty.
Kezdesý barysynda Murat ıAkın baptaıtyn quramanyń jınaqylyǵy kózge kórinip turdy. Alǵashqy mınýttan tizgindi óz qolynda ustaýǵa tyrysqan olar jyldam gol soǵatyn múmkindikti izdedi. Nátıjesinde olardyń qatarynan Brıl Embolo 10-mınýtta mergendigimen kózge tússe, 46-mınýtta Dan Ndoı kózdegen nysanadan múlt ketken joq.
Osylaısha shveıtsarııalyq fýtbolshylar qarsylasynan 2:0 esebimen basym tústi.
Ekinshi kezeńde oıyn barysy osyndaı qarqynda kórinis berdi.
B tobynda oınaǵan Shveıtsarııa Kanadany 2:1, Bosnııa jáne Gertsogvınany 4:1 esebimen jeńse, Qatarmen 1:1 esebimen teń tústi. Nátıjesinde 7 upaımen birinshi orynmen pleı-off satysyna joldama aldy.
Onyń qarsylasy — Aljır J tobynda 4 upaımen úshinshi orynǵa taban tiredi. Argentınaǵa 0:3 esebimen oısyraı jeńilgen olar Aýstrııamen 3:3 esebimen teń tússe, Iordanııany 2:1 esebimen tize búktirdi.
Eske salsaq, qazirge deıin 1/8 fınalǵa shyqqan 13 qurama belgili boldy. Olardyń qatarynda Kanada, Brazılııa, Paragvaı, Marokko, Norvegııa, Frantsııa, Meksıka, Anglııa, Belgııa, AQSh, Ispanııa, Portýgalııa quramalary bar.
Endi búgin, 3 shildede jáne shildeniń 3-nen 4-ne qaraǵan túni pleı-off satysynda Aýstralııa — Egıpet, Argentına — Kabo-Verde, Kolýmbııa — Gana sheberlik baıqasady.
Eske salsaq, budan buryn Portýgalııa quramasy 1/8 fınalǵa joldama aldy.
